આગાહી / ગુજરાતમાં આગામી 24 કલાકમાં પડી શકે છે ધોધમાર વરસાદ, રાજ્યના આ જિલ્લાઓમાં  મૂશળધાર વરસાદની આગાહી

• ગુજરાતમાં યથાવત રહેશે વરસાદી માહોલ
• ઉત્તર ગુજરાતમાં પડી શકે છે મૂશળધાર વરસાદ
• આગામી 2 અને 3 દિવસ ભારે વરસાદની આગાહી

રાજ્યમાં આગામી 2 અને 3 દિવસ ઉત્તર, મધ્ય અને દક્ષિણ ગુજરાતમાં સામાન્ય વરસાદની આગાહી કરવામાં આવી છે, હવામાન વિભાગે આગાહી કરતા જણાવ્યું છે કે હજુ ગુજરાતમાં વરસાદનું જોર યથાવત રહેશે. 

 

હવામાન વિભાગ દ્વારા સૌરાષ્ટ્રમાં હળવાથી મધ્યમ વરસાદની આગાહી કરાઈ છે.  2 અને 3 તારીખે વરસાદનું  જોર વધશે તો કેટલાક જિલ્લામાં ભારે વરસાદની આગાહી કરાઈ છે.  

ઉત્તર ગુજરાતમાં પણ વરસાદી વાતાવરણ જોવા મળી શકે છે. તો આ તરફ સાબરકાંઠા, અરવલ્લી, મહીસાગર, પાટણ અને બનાસકાંઠા સહિતના વિસ્તારોમાં હળવોથી સામાન્ય વરસાદ પડવાની હવામાન વિભાગે સંભાવનાઓ વ્યક્ત કરી છે. હવામાન વિભાગે બીજી ઓગષ્ટ સુધીમાં હળવો તેમજ મધ્યમ વરસાદની આગાહી કરી છે. સાથે જ રાજ્યના અનેક જિલ્લાઓમાં મૂશળધાર વરસાદની આગાહી

ગુજરાતમાં હજુ પણ 29 ટકા વરસાદની ઘટ 

રાજ્યમાં વરસાદની સિઝન ચાલી રહી છે ત્યારે ગુજરાતમાં હજુ પણ 29 ટકા વરસાદની ઘટ જોવા મળી રહી છે. રાજયમાં અત્યારસુધી જે વરસાદ વરસ્યો છે તે ખેતી માટે સારો છે. જોઈએ એવો વરસાદ વરસ્યો નથી વરસાદ સિસ્ટમ સક્રિય થઈ ગઈ છે પરતું રાજ્યના અનેક જિલ્લાઓમાં ધીમીધારે મેઘમહેર થઈ રહી છે. ત્યારે હવામાન વિભાગે સૌરાષ્ટ્ર સહિત અનેક પથંકમાં મધ્યમ વરસાદની શક્યતા વ્યક્ત કરી છે. 



વહેલી સવારથી અમદાવાદમાં વરસાદી માહોલ 

હવામાન વિભાગે  ગીર, સોમના, નવસારી, પોરબંદર, વલસાડ સહિત પથંકમાં ભારે વરસાદ પડી શકે છે તેવું જણાવ્યું છે, આ તરફ અમદાવાદ, ગાંધીનગર, સુરત, વડોદરા, રાજકોટ, તેમજ દીવ દમણ, અને દાદરાનગર હવેલીમાં પણ સારો એવો વરસાદ પડી શકે છે. વહેલી સવારથી અમદાવાદમાં વરસાદી માહોલ સર્જાયો છે અનેક વિસ્તારોમાં ધીમીધારે વરસાદ વરસી રહ્યો છે ત્યારે વરસતા વરસાદ વચ્ચે અમદાવાદીઓની રવિવારની મોજ માણતા જોવા મળી રહ્યા છે. વરસતા વરસાદમાં શહેરીજનો રિવરફ્રન્ટ પર ઉમટ્યા છે તો કેટલાક લોકો સાઈકલિંગ,સેલ્ફી અને સેલિબ્રેશન કરતા પણ જોવા મળી રહ્યા છે. રિવરફ્રન્ટ  શહેરીજનોનું લોકપ્રિય સ્થળ બન્યું એવામાં આજે ફ્રેન્ડશીપ ડે ની ઉજવણી માટેનું સ્થળ રિવરફ્રન્ટ  બન્યું છે. 

રાજ્યમાં અત્યાર સુધી સીઝનનો 33 ટકા વરસાદ 

મહત્વનું છે કે રાજ્યમાં અત્યાર સુધી સીઝનનો 33 ટકા જ વરસાદ નોંધાયો છે જ્યારે સૌથી વધુ વરસાદ વલસાડમાં 33.70 ટકા વરસાદ નોંધાયો છે. ગુજરાતમાં વરસાદની વાત કરીએ તો અત્યાર સુધીમાં દક્ષિણ ગુજરાતમાં 20.23 ઇંચ સાથે સિઝનનો સૌથી વધુ તો 35.19 ટકા વરસાદ નોંધાયો છે. કચ્છમાં 5.27 ઈંચ સાથે 30.25 ટકા, ઉત્તર ગુજરાતમાં 7.95 ઈંચ સાથે મોસમનો 28.16 ટકા, પૂર્વ-મધ્ય ગુજરાતમાં 30.56 ઈંચ સાથે સિઝનનો 30.08 ટકા, સૌરાષ્ટ્રમાં 8.77 ઈંચ સાથે સિઝનનો 31.89 ટકા વરસાદ નોંધાયો છે.