સમગ્ર વિશ્વમાં કોરોના વાયરસે કોહરામ મચાવ્યો છે ત્યારે કોવિડ-19ની સારવાર માટે આવશ્યક વેન્ટીલેટરની ઠેર-ઠેર અછત સર્જાતા રાજકોટની જ્યોતિ CNC દ્વારા ઉત્પાદનની સફળતાને પગલે ગુજરાતે વધુ બે ઉપકરણો-સાધનોના નિર્માણ-ઉત્પાદનથી દેશને નવો રાહ ચીંધ્યો છે. ત્યારે હવે ગુજરાતમાં N-95 માસ્કનું ઉત્પાદન શરૂ કરવામાં આવ્યું છે.
પર્સનલ પ્રોટેકશન ઇકવીપમેન્ટ અને N-95 માસ્કનું ઉત્પાદન શરૂ
રાજ્યના સચિવ અશ્વિનીકુમારે આ અંગેની વધુ વિગતો આપતાં કહ્યું કે, કોરોનાના રોગગ્રસ્તોની સારવાર-સુશ્રષામાં રોકાયેલા તબીબો, મેડીકલ સ્ટાફને પર્સનલ પ્રોડકશન ઇકવીપમેન્ટ કિટનો અવશ્ય ઉપયોગ કરવો પડે છે. આવા ઇકવીપમેન્ટ કિટની વિશ્વભરમાં ખૂબ માંગ છે ત્યારે ગુજરાતમાં તેની પૂરતી ઉપલબ્ધિ થાય એટલું જ નહિ, ગુજરાતમાં ઉત્પાદિત આ કિટ કોરોના રોગગ્રસ્તોની સારવારમાં જોડાયેલા દેશના અન્ય તબીબો-મેડીકલ સ્ટાફને પણ મળી રહે તે માટે અરવિંદ મિલ્સ લીમીટેડ સાંતેજ અને સ્યોર સેફટી વડોદરા દ્વારા તેનું ઉત્પાદન થઇ રહ્યું છે તેમ સચિવ અશ્વિનીકુમારે ઉમેર્યુ હતું.
રાજ્યમાં દરરોજ થઇ રહ્યું છે 25 હજાર N-95 માસ્કનું ઉત્પાદન
તેમણે એમ પણ જણાવ્યું કે, કોરોના વાયરસનું સંક્રમણ વ્યાપક થતું અટકાવવા અને આ સંભવિત રોગ સંક્રમિતોની તપાસ સારવાર કરતા તબીબોને સેલ્ફ સેફટી માટે N-95 માસ્કની જરૂરત રહે છે. આવા N-95 માસ્કનું ગુજરાતમાં ઉત્પાદન કરવા માટે આઇ.આઇ.ટી. કાનપૂર પાસેથી ટેકનોલોજી ટ્રાન્સફર દ્વારા સેલ્યુઝ પ્રોડકટસ ચાંગોદર દૈનિક 25 હજાર માસ્કનું ઉત્પાદન કરે છે.
રાજ્યના સચિવ અશ્વિનીકુમારે આપી માહિતી
પત્રકાર પરિષદને સંબોધન કરતા અશ્વિનીકુમારે વધુમાં જણાવ્યું હતું કે, રાજ્યમાં ચાર મહાનગરોમાં ડેડીકેટેડ કોરોના-કોવિડ હોસ્પિટલ શ્રી વિજયભાઇ રૂપાણીના દિશાનિર્દેશો અનુસાર કાર્યરત થઇ છે. ત્યારે હવે રાજ્યના 29 જિલ્લામથકોએ 100 બેડની આવી કોવિડ હોસ્પિટલ તાત્કાલીક ધોરણે આગામી ૪-પ દિવસમાં શરૂ કરવામાં આવશે. જેની દેખભાળ રાજ્યની 3 સચિવોની કમિટી કરશે.
તબલીગ જમાતના લોકો મરકઝમાં ગયા હતા તે તમામ લોકો સામેથી આવીને તપાસ કરે
કોરોના વાયરસને લઇ પુરવઠા વિભાગે માહિતી આપી. સીએમઓ સચિવ અશ્વિની કુમારે કહ્યું કે હાલ CMની ઉપસ્થિતિમાં નવા વેન્ટિલેટરનું દર્દી પર સફળ પરીક્ષણ કરાયુ છે. ગુજરાતની કંપનીઓ પર્સનલ પ્રોટેક્ટ ઈક્વપમેન્ટ PPE કિટ બનાવી રહી છે. અને N95 માસ્ક બનાવવા IIT કાનપુરથી ટેક્નોલોજી ટ્રાન્સફર કરાઈ છે. ગુજરાતમાં દરરોજ 25 હજાર N95 માસ્ક બનાવાઈ રહ્યાં છે. જરૂરતની તમામ વસ્તુઓ ગુજરાતમાં જ બનાવાઇ રહી છે.