આખરે જેની રાહ જોવાઈ રહી હતી LRDની ભરતી પરીક્ષાનું પરિણામ આવી ગયુ છે. જેમાં 9713 જગ્યા માટે 8135 ઉમેદવારોનું લિસ્ટ જાહેર કરવામાં આવ્યુ છે. 1578 ઉમેદવારોનું પરિણામ બાકી છે. જ્યારે બાકી રહેલી જગ્યાઓનું અંતિમ પરિણામ હવે પછી જાહેર કરવામાં આવશે.
LRDમાં કુલ 9713 જગ્યા માટે ભરતી કરવાની હતી
8135 ઉમેદવારોનું લિસ્ટ જાહેર
વેબસાઈટ પર ઉમેદવારોની યાદી મુકાઈ
ઉમેદવારોની યાદી www.lrbgujarat2018.in પર મુકવામાં આવી છે. જેમાં બિન હથિયારી, હથિયારી અને જેલ સિપાઈ માટે પસંદ થયેલા ઉમેદવારની યાદી જાહેર કરવામાં આવી છે. આ યાદી મુજબ, બિન હથિયારીમાં 2620 ઉમેદવાર, હથિયારીમાં 4,998 અને જેલ સિપાઈમાં 517 ઉમેદવારોની પસંદગી થઈ છે. પાસ થયેલા તમામ ઉમેદવારોને જે-તે જિલ્લામાં નિયુક્તિ પત્ર આપવામાં આવશે. ત્યાર બાદ જ 8135 યુવક યુવતીઓની તાલીમ શરૂ થશે અને ત્યાર બાદ રાજ્યની સુરક્ષામાં આ ઉમેદવારો જોડાશે.
કયા ખાતામાં ક્યાં મેરિટ અટક્યુ
LRD માટે કુલ 9713 જગ્યા માટે ભરતી કરવાની છે. પરંતુ ભરતી બોર્ડે માત્ર 8135 ઉમેદવારોનું લિસ્ટ જાહેર કર્યું છે. જનરલ કેટેગરીમાં એકપણ મહિલાનું મેરિટ જાહેર થયું નથી. હથિયારી મહિલામાં 1011, બિનહથિયારી મહિલામાં 530નું મેરિટ અટવાયું છે અને જેલ સિપાહી મહિલાની 37 જગ્યાનું મેરિટ લિસ્ટ અટક્યું છે.