ગુજરાતમાં કોરોના વાયરસને લઇને લોકડાડઉન જાહેર કરવામાં આવ્યું છે. કોરોના વાયરસના વધતા કેસોને ધ્યાનમાં લઇને લોકડાઉનનો કડક અમલ કરાવામાં આવી રહ્યો છે. ત્યારે રાજ્યના રાજકોટમાં પાન-મસાલાની દુકાનો ખોલવા પર પણ પ્રતિબંધ મુકવામાં આવ્યો છે. તેમ છતાં લોકડાઉન હોવા છતાં રાજકોટ ગ્રામ્ય વિસ્તારમાં સોપારીનું વેચાણ ચાલુ છે. ત્યારે પોલીસે 4 લાખની સોપારીનો જથ્થો ઝડપી પાડ્યો છે.
લોકડાઉન હોવા છતા રાજકોટ ગ્રામ્યમાં સોપારીનું વેચાણ
ગુજરાતમાં લોકડાઉનનો કડક અમલ કરવામાં આવી રહ્યો છે. ત્યારે સૌરાષ્ટ્રના રાજકોટમાં લોકડાઉનના પગલે પાન-મસાલાની દુકાનો બંધ રાખવાનો આદેશ આપવામાં આવ્યો છે. જો કે લોકડાઉન હોવા છતાં રાજકોટ ગ્રામ્ય વિસ્તારમાં સોપારીનું વેચાણ ચાલુ જોવા મળી રહ્યું છે.
ત્યારે રાજકોટના ગ્રામ્ય વિસ્તારના વિછિંયામાંથી પોલીસે 4 લાખનો સોપારીનો જથ્થો ઝડપી પાડ્યો છે. લોકડાઉન દરમિયાન વિછિયામાં સોપારી વેચાતી હોવાની મામલતદારને જાણ થતાં દરોડા પાડવામાં આવ્યાં હતા.
વિંછિયામાં મામલતદારે દરોડા પાડીને મોટી સંખ્યામાં સોપારીનો જથ્થો ઝડપી પાડ્યો હતો. જેમાં સોપારીનો જથ્થો ઝડપીને મામલતદારે ગોડાઉનને સીલ મારી દીધું છે.
ઉલ્લેખનીય છે કે રાજકોટ શહેર અને જિલ્લા સહિત સૌરાષ્ટ્રમાં પાન-મસાલાની દુકાનો બંધ રહેતા બંધાણીઓ પરેશાન જોવા મળી રહ્યાં છે. ત્યારે રાજકોટ સહિત સૌરાષ્ટ્રમાં તમાકુ, સોપારી અને મસાલાી કાળા બજારી વધેલી જોવા મળી રહી છે.
જેમાં 12 રૂપિયે વેચાતો મસાલો 50 રૂપિયે વેચાઇ રહેલો જોવા મળી રહ્યો છે, જ્યારે તમાકુના એક ડબ્બાના ભાવ 250 રૂપિયા હતા. જેની કિંમત હાલમાં 1000થી 1200 રૂપિયા છે. જ્યારે તમાકુની પડીકીના ભાવ 5 હતા જેના હાલમાં 25 થયા છે. બીડીના એક જુડીના ભાવ 20 હતા જે વધીને હાલમાં 150 થયા છે.દરેક નશાયુક્ત વસ્તુના ભાવ 3થી 5 ગણા વધી ગયા છે.