ગુજરાતમાં કોરોના વાયરસની મહામારી વચ્ચે લોકડાઉનનો કડકવાર અમલ કરવામાં આવી રહ્યો ચે ત્યારે રાજ્ય સરકાર દ્વારા માલવાહક વાહનોની હેરફેરને મંજુરી આપવાનો નિર્ણય લેવામાં આવ્યો છે. ત્યારે બીજી તરફ રાજ્યના હાઇેવ પર ગેરેજ, હોટેલ, ઢાબા ખુલ્લા રાખવાનો આદેશ કરાયો છે.
રાજ્યના હાઈવે પર ગેરેજ, હોટેલ, ઢાબા ખુલ્લા રાખવાના આદેશ
ગેરેજ, હોટેલ, ઢાબા ખુલ્લા રાખવા કલેક્ટર પાસે લેવી પડશે મંજૂરી
માલવાહક વાહનોને અવરજવરની મંજૂરી અપાયા બાદ નિર્ણય
રાજ્યમાં કોરોના કહેર વચ્ચે લોકડાઉનના સમયગાળામાં હજુ પણ વધારો કરવામાં આવે તેવી શક્યતાઓ વચ્ચે રાજ્ય સરકાર દ્વારા માલવાહક વાહનોની હેરફેરને મંજૂરી આપી દેવામાં આવી છે. આમ માલવાહકોની અવરજવરને લઇને બીજી તરફ હાઇ વે પરના ગેરેજ, હોટલ, ઢાબા ખુલ્લા રાખવાનો પણ આદેશ આપવામાં આવ્યો છે.
જો કે તંત્ર દ્વારા હાઇ વે પર ગેરેજ, હોટલ અને ઢાબા ખુલ્લા રાખવા માટે તેના માલિકોએ જિલ્લા કલેકટર પાસેથી મંજૂરી લેવાની રહેશે. આ સાથે સરકારે માલવાહક વાહનોના ડ્રાઇવરના ટ્રાન્સપોર્ટ લાયસન્સને પાસ તરીકે માન્ય રાખવાની સૂચના અપાઇ છે.
ઉલ્લેખનીય છે કે ગઇકાલે રાજ્ય સરકાર દ્વારા કોરોના મહામારી વચ્ચે માછીમારો માટે મહત્વનો નિર્ણય લીધો હતો. જેમાં આજથી રાજ્યના માછીમારોને દરિયામાં જવાની છૂટ આપવામાં આવી. આ સાથે પ્રોસેસિંગ અને વેચાણ માટે ટ્રાન્સપોર્ટેશનની પણ છૂટ આપવામાં આવી હતી.