ચૂંટણી પરિણામ / ભલે 62 નગરપાલિકામાં ભાજપે જીતનો પરચમ લહેરાવ્યો, પરંતુ અહીં તો ખાતું જ ના ખુલ્યું, 4 જગ્યાએ સૂપડાં સાફ

ગુજરાતમાં સ્થાનિક સ્વરાજ્યની ચૂંટણીના પરિણામ જાહેર થઈ ચુક્યા છે. 66 નગરપાલિકાઓની ચૂંટણી પરિણામો પણ સામે આવી ગયા છે. કુલ 1844 બેઠકો હતી જેમાંથી 167 બેઠકો બિનહરીફ થઈ હતી. નગરપાલિકાની ચૂંટણીમાં ફરીએકવાર ભાજપે મજબૂતાઈ સાથે બાજી મારી છે.

62 નગરપાલિકામાં ભાજપનો વિજય થયો

સ્થાનિક સ્વરાજ્ય ચૂંટણીમાં ભાજપનો દબદબો જોવા મળ્યો છે તેમજ કોંગ્રેસનો સફાયો થયો છે. રાજ્યના 68માંથી 66 નગરપાલિકાના પરિણામ સ્પષ્ટ થઈ ગયા છે. જે 66માંથી 62 નગરપાલિકામાં ભાજપનો વિજય થયો છે. જ્યારે કોંગ્રેસને માત્ર 1 નગરપાલિકા મળી છે. દ્વારકા જિલ્લાની સલાયા નગરપાલિકામાં જ કોંગ્રેસ જીતી શકી છે. જ્યારે પોરબંદર જિલ્લાની કુતિયાણા, રાણાવાવમાં સપાની જીત થઈ છે. આણંદ જિલ્લાની આંકલાવ નગરપાલિકામાં અપક્ષનો દબદબો જોવા મળ્યો છે. ડાકોર નગરપાલિકામાં ભાજપ અને અપક્ષ વચ્ચે ટાઈ થઈ છે તો ગાંધીનગર, કપડવંજ અને કઠલાલ તાલુકા પંચાયત ભાજપે જીતી છે.

24 વોર્ડ બિનહરીફ થયા હતા

ગુજરાતની 66 નગરપાલિકાઓ ચૂંટણી યોજાઈ હતી. જેમાં કુલ 461 વોર્ડમાંથી 24 વોર્ડ બિનહરીફ થયા હતા જ્યારે કુલ 1844 બેઠકોમાંથી 167 બેઠકો બિનહરીફ થઈ હતી. જેમા ભાજપે 162, કોંગ્રેસ 01, અન્યના ખતામાં 04 બિન હરીફ ગઈ છે. 1677 બેઠક પરનું ચૂંટણી પરિણામ આવી રહ્યું છે.

61.65 ટકા મતદાન નોંધાયું હતું

રાજ્યની 66 નગરપાલિકા ચૂંટણી યોજાઈ હતી. જેમાં 61.65 ટકા મતદાન નોંધાયું હતું. અત્રે જણાવીએ ગત ચૂંટણી 2018 કરતા ઓછું મતદાન થયું હતું. વર્ષ 2018માં 75 નપાની ચૂંટણી યોજાઈ હતી અને 65 ટકા મતદાન થયું હતું. જ્યારે આ વખતે 66 નગરપાલિકા ચૂંટણી યોજાઈ હતી અને 61.65 ટકા મતદાન નોંધાયું હતું

આ પણ વાંચો: એક સમયે કોંગ્રેસનો ગઢ ગણાતી મહુધા નગરપાલિકાનું શાસન હવે ભાજપના હાથમાં, પંજો ઢીલો પડ્યો

2018ના પરિણામ પર એક નજર

વર્ષ 2018માં 75 નગરપાલિકાની ચૂંટણી યોજાઈ હતી. જેમાં 47 નપામાં ભાજપનોન ભગવો લહેરાયો હતો. જ્યારે 16 નગરપાલિકામાં કોંગ્રેસનો વિજય થયો હતો તો NCPના ખાતામાં 1 નપા ગઈ હતી. જ્યારે BSP 1 અને ગઠબંધનના ખાતામાં 6 તેમજ અપક્ષનો 4 નગરપાલિકામાં વિજય થયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ