ગુજરાતમાં સ્થાનિક સ્વરાજની ચૂંટણી ફેબ્રુઆરી 2021માં યોજવાનું લગભગ નક્કી થઇ ગયું છે. રાજ્ય સરકારે સુપ્રીમ કોર્ટમાં બાંહેધરી આપી છે. કોરોના સંક્રમણને લઇને ચૂંટણી 3 મહિના પાછી ઠેલવામાં આવી હતી. આમ સુપ્રીમમાં રાજ્ય સરકારની બાંહેધરી બાદ ચૂંટણીઓ માટેની તૈયારીઓ શરુ થઇ જશે.
રાજ્ય સરકારે સુપ્રીમ કોર્ટમાં આપી બાંહેધરી
ફેબ્રુઆરી 2021માં સ્થાનિક સ્વરાજ્યની ચૂંટણીઓ
મનપા, નગરપાલિકાઓમાં ચૂંટાયેલા પાંખની ટર્મ પૂર્ણ
રાજ્યમાં 3 મહિના વહીવટદારની નિમણૂંક કરવામાં આવશે. જો કે આ વહિવટદારો નીતિ વિષયક નિર્ણય નહીં લઇ શકે. મહાનગરપાલિકામાં કમિશનર વહીવટદાર રહેશે. નગરપાલિકામાં ચીફ ઓફિસર વહીવટદાર રહેશે. તાલુકા પંચાયત અને જિલ્લા પંચાયતમાં ડીડીઓ વહીવટદાર રહેશે.
ગુજરાતમાં કોરોનાકાળ દરમિયાન ફરી ચૂંટણીને લઇને રાજકીય માહોલમાં ગરમાવો જોવા મળી શકે છે. રાજ્યમાં આગામી ફેબ્રુઆરી મહિનામાં સ્થાનિક સ્વરાજ્યની ચૂંટણી યોજાશે. આમ રાજ્યમાં ફરી ચૂંટણીના ભણકારાને લઇને ભાજપ-કોંગ્રેસ દ્વારા કવાયત હાથ ધરવામાં આવશે.
સ્થાનિક સ્વરાજની ચૂંટણીને લઇને કોંગ્રેસની મહત્વની બેઠક
રાજ્યમાં હાલ કોરોનાકાળ દરમિયાન ફરી ચૂંટણીનો માહોલ જામશે. ચૂંટણીને લઇને રાજ્યમાં રાજકીય ગરમાવો જોવા મળશે. ભાજપ-કોંગ્રેસ દ્વારા રેલીઓ સાથે વારંવાર કોવિડ-19 નિયમોનું ઉલ્લંઘનના દ્રશ્યો જોવા મળશે.
રાજ્યમાં સ્થાનિક સ્વરાજ્યની ચૂંટણી મુદ્દે સૌથી મોટા સમાચાર મળી રહ્યાં છે. રાજ્યમાં આગામી ફેબ્રુઆરી-2021માં સ્થાનિક સ્વરાજ્યની ચૂંટણી યોજવામાં આવશે.
રાજ્યમાં સ્થાનિક ચૂંટણીને લઇને ભણકારા વાગી રહ્યાં છે ત્યારે બીજી તરફ કોંગ્રેસ દ્વારા ચૂંટણીને કવાયત શરૂ કરવામાં આવી છે. ગઇકાલે કોંગ્રેસના પ્રદેશ પ્રભારી રાજીવ સાતવની અધ્યક્ષતામાં 5 જિલ્લાના અગ્રણીઓની બેઠક યોજવામાં આવી હતી.
આ બેઠકમાં મહત્વના મુદ્દાની ચર્ચાઓ કરવામાં આવી હતી. સ્થાનિક સ્વરાજ્યની ચૂંટણીના ઉમેદવાર જિલ્લા કોંગ્રેસ દ્વારા નક્કી કરવામાં આવશે. પ્રભારી રાજીવ સાતવે ઉમેદવારીની પસંદગી માટે જિલ્લા કોંગ્રેસને છૂટ આપી છે.
રાજીવ સાતવની સ્થાનિક સ્વરાજની ચૂંટણીને લઇને જિલ્લા કોંગ્રેસના અગ્રણીઓ સાથેની બેઠકમાં સૂચનમાં આપવામાં આવી હતી.