સ્થાનિક સ્વરાજની ચૂંટણી માટે ગુજરાત ભાજપે યાદી તૈયાર કરી દીધી છે.
આજે ભાજપ મનપાના ઉમેદવારોની યાદી બહાર પાડશે
ભાજપ મનપાના પૂર્વ મેયરોને નહી આપે ટિકિટ
ટિકિટ માંગનાર પદાધિકારીએ રાજીનામુ આપવુ પડશે
રાજ્યની મહાનગરપાલિકાઓની ચૂંટણીને લઈ ભાજપ દ્વારા આજે યાદી જાહેર કરવામાં આવશે. ત્યારે ભાજપ પ્રદેશ પ્રમુખ સી.આર.પાટીલે કહ્યું કે, દરેક બેઠક પર લગભગ 60-70 કાર્યકર્તાઓએ ટિકિટ માગી હતી.
આજે સાંજ સુધીમાં તબક્કાવાર યાદી જાહેર કરાશે. આવતીકાલે 12.39 વાગ્યે તમામ ઉમેદવારો ફોર્મ ભરશે. આ સાથે જ તેમણે કહ્યું કે, ભાજપ મનપાના પૂર્વ મેયરોને ટિકિટ નહી આપવામાં આવે. ટિકિટ માંગનાર પદાધિકારીએ હોદ્દા પરથી રાજીનામુ આપવુ પડશે. આ સાથે તમામ ઉમેદવારોને ઇ-મેલથી જાણ કરવામાં આવી છે.
ભાજપ પ્રદેશ પ્રમુખ સી આર પાટીલે જણાવ્યું કે 6 કોર્પોરેશન માટે ભાજપના ઉમેદવારોની યાદી સાંજ સુધીમાં જાહેર થશે. આ યાદી સાંજ સુધી જે તે પાલિકાઓને મોકલી આપવામાં આવશે. લોકશાહી પદ્ધતિથી પારદરશિતા સાથે ઉમેદવારોની પસંદગી કરવામાં આવી છે.
સી આર પાટીલે કહ્યું કે ત્રણ ટર્મથી ચૂંટાતા વ્યક્તિને ટિકિટ નહી આપવાનો નિર્ણય આવકાર છે. ઉમેદવારોમાં 50 ટકા ભાઇ અને 50 ટકા બહેનોનો સમાવેશ કરાયો છે. પાર્ટીના કોઇ પદાધિકારીએ ટિકિટ માગી હશે તો રાજીનામુ આપડશે, તો ટિકિટ મળશે.