ગુજરાતમાં કોરોનાકાળમાં હાલમાં યોજાયેલી વિધાનસભાની પેટાચૂંટણીમાં કોંગ્રેસને એક પણ બેઠક મળી નહોતી. જેને લઇને હવે રાજ્યમાં આગામી સ્થાનિક સ્વરાજ્યની ચૂંટણીઓને લઇને પ્રદેશ કોંગ્રેસ દ્વારા રણનીતિ તૈયાર કરવા બેઠકોનો ધમધમાટ શરુ કરવામાં આવ્યો છે. આજરોજ 6 જિલ્લાઓના આગેવાનો સાથે પ્રભારી રાજીવ સાતવ અને પ્રમુખ અમિત ચાવડા બેઠખ કરશે.
ગુજરાત પ્રદેશ કોંગ્રેસમાં આજે બેઠકોનો ધમધમાટ
બેઠકમાં આગામી ચૂંટણીઓ અને સંગઠનના માળખા અંગે ચર્ચા
પ્રભારી રાજીવ સાતવ અને પ્રમુખ અમિત ચાવડા કરશે બેઠક
રાજ્યમાં સ્થાનિક સ્વરાજ્યની ચૂંટણીને લઇને ગુજરાત પ્રદેશ કોંગ્રેસમાં આજે બેઠકોનો ધમધમાટ જોવા મળી રહ્યો છે. રાજ્યના 6 જિલ્લાઓના કોંગ્રેસના આગેવાનો સાથે યોજાશે બેઠક યોજાઇ રહી છે.
આગામી સ્થાનિક સ્વરાજની ચૂંટણીને લઈને મહીસાગર, દાહોદ અને પંચમહાલ ઉપરાંત છોટાઉદેપુર, ભરૂચ અને ખેડા જિલ્લા કોંગ્રેસની પણ બેઠક યોજાઇ રહી છે. પ્રભારી રાજીવ સાતવ અને પ્રમુખ અમિત ચાવડાની અધ્યક્ષતામાં આયોજીત બેઠકમાં સંગઠનના માળખા અંગે ચર્ચા કરાશે.
ગુજરાત પ્રદેશ કોંગ્રેસ દ્વારા આવતીકાલના ભારત બંધ મુદ્દે પણ બેઠક
ભારત બંધના એલાન અંગે આજે ગુજરાત કોંગ્રેસની બેઠક યોજાઇ રહી છે. કોંગ્રેસના તમામ MLA સાથે પ્રભારી અને પ્રમુખ બેઠકમાં હાજર રહશે. તમામ જિલ્લા અને તાલુકા કોંગ્રેસના વડાઓ પણ બેઠકમાં હાજરી આપશે. રાજ્યના પ્રદેશ કોંગ્રેસ કાર્યાલયમાં MLA-આગેવાનો સાથે ઓનલાઈન બેઠક યોજાશે.