ભણકારા / ગુજરાતમાં સ્થાનિક સ્વરાજ્યની ચૂંટણી મુદ્દે મોટા સમાચાર, 2021ના આ મહિનામાં યોજાય તેવી શક્યતા

• ફેબ્રુઆરી મહિનામાં યોજાઇ શકે છે સ્થાનિક સ્વરાજ્યની ચૂંટણી
• રાજ્યમાં 3 મહિના વહીવટદારની કરાશે નિમણૂંક
• નીતિ વિષયક નિર્ણય નહી લઇ શકે વહીવટદારો

રાજ્યમાં હાલ કોરોનાકાળ દરમિયાન ફરી ચૂંટણીનો માહોલ જામશે. ચૂંટણીને લઇને રાજ્યમાં રાજકીય ગરમાવો જોવા મળશે. ભાજપ-કોંગ્રેસ દ્વારા રેલીઓ સાથે વારંવાર કોવિડ-19 નિયમોનું ઉલ્લંઘનના દ્રશ્યો જોવા મળશે. 

રાજ્યમાં સ્થાનિક સ્વરાજ્યની ચૂંટણી મુદ્દે સૌથી મોટા સમાચાર મળી રહ્યાં છે. રાજ્યમાં આગામી ફેબ્રુઆરી-2021માં સ્થાનિક સ્વરાજ્યની ચૂંટણી યોજવામાં આવશે.

રાજ્યમાં 3 મહિના વહીવટદારની નિમણૂંક કરવામાં આવશે. જો કે આ વહિવટદારો નીતિ વિષયક નિર્ણય નહીં લઇ શકે. મહાનગરપાલિકામાં કમિશનર વહીવટદાર રહેશે. નગરપાલિકામાં ચીફ ઓફિસર વહીવટદાર રહેશે. તાલુકા પંચાયત અને જિલ્લા પંચાયતમાં ડીડીઓ વહીવટદાર રહેશે. 
 

સ્થાનિક સ્વરાજની ચૂંટણીને લઇને કોંગ્રેસની મહત્વની બેઠક

રાજ્યમાં સ્થાનિક ચૂંટણીને લઇને ભણકારા વાગી રહ્યાં છે ત્યારે બીજી તરફ કોંગ્રેસ દ્વારા ચૂંટણીને કવાયત શરૂ કરવામાં આવી છે. કોંગ્રેસના પ્રદેશ પ્રભારી રાજીવ સાતવની અધ્યક્ષતામાં 5 જિલ્લાના અગ્રણીઓની બેઠક યોજવામાં આવી છે. 

આ બેઠકમાં મહત્વના મુદ્દાની ચર્ચાઓ કરવામાં આવી. સ્થાનિક સ્વરાજ્યની ચૂંટણીના ઉમેદવાર જિલ્લા કોંગ્રેસ દ્વારા નક્કી કરવામાં આવશે. પ્રભારી રાજીવ સાતવે ઉમેદવારીની પસંદગી માટે જિલ્લા કોંગ્રેસને છૂટ આપી છે. 

રાજીવ સાતવની સ્થાનિક સ્વરાજની ચૂંટણીને લઇને જિલ્લા કોંગ્રેસના અગ્રણીઓ સાથેની બેઠકમાં સૂચનમાં આપવામાં આવી.