સ્થાનિક સ્વરાજ્ય / સાંજે 6 વાગ્યા સુધીમાં તાલુકા પંચાયત, જિલ્લા પંચાયત અને નગરપાલિકાઓમાં જાણો કેટલું થયું મતદાન

• રાજ્યની સ્થાનિક સ્વરાજની ચૂંટણી માટે મતદાન પૂર્ણ, 2 માર્ચે પરિણામ
• 31 જિલ્લા પંચાયત, 231 તાલુકા પંચાયત અને 81 નગરપાલિકાની ચૂંટણીનું મતદાન પૂર્ણ
• સરેરાશઃ નગર પાલિકા 54.72  જિ.પંચાયતમાં 61.87 ટકા અને તા.પંચાયતમાં 63.07 ટકા મતદાન થયું
• રાજ્યમાં એકંદરે શાંતિપૂર્ણ માહોલમાં મતદાન પૂર્ણ, શહેર કરતા ગ્રામ્યમાં વધુ મતદાન થયું

સ્થાનિક સ્વરાજ્યની ચૂંટણીનું મતદાન પૂર્ણ થયું છે. તાલુકા પંચાયત અને નગરપાલિકાનું મતદાન શાંતિપૂર્ણ રીતે પૂર્ણ થયું છે. EVM મશીન સીલ કરીને સ્ટ્રોંગ રૂમમાં રાખવામાં આવશે. ત્યારબાદ  બીજી માર્ચે મત ગણતરી હાથ ધરવામાં આવશે. શહેર કરતા ગ્રામ્યમાં વધુ મતદાન થયું છે. રાજ્યમાં એકંદરે શાંતિપૂર્ણ માહોલમાં મતદાન પૂર્ણ થયું છે.

કુલ સરેરાશ મતદાન

શહેરીજનો કરતા ગામવાસીઓ મતદાન કરવામાં આગળ રહ્યા છે. સાંજના 6 વાગ્યા સુધીનું કુલ સરેરાશ 60 ટકા મતદાન નોંધાયું હતું. આમ મહાનગરપાલિકાના મતદાન કરતા 15 ટકા જેટલું વધુ મતદાન નોંધાયું છે. સાંજે 6 વાગ્યા સુધીમાં રાજ્યની 231 તાલુકા પંચાયતમાં 63 % ટકા, 31 જિલ્લા પંચાયતમાં 61% અને 81 નગરપાલિકામાં 54 ટકા કુલ સરેરાશ મતદાન થયું.

તાલુકા પંચાયતઃ રાજ્યની 231 તાલુકા પંચાયત બેઠકો પર મતદાન થઇ રહ્યું છે ત્યારે સાંજે 6 વાગ્યા સુધીમાં કુલ સરેરાશ 63 ટકા મતદાન થયું છે. ત્યારે જાણો કઇ તાલુકા પંચાયતમાં કેટલું મતદાન થયું.

district Name	VotingPer
The Dangs	71.84
Tapi	71.68
Narmada	70.95
Gandhinagar	69.1
Navsari	67.7
Ahmadabad	67.54
Sabar Kantha	67.01
Kheda	66.67
Arvalli	66.51
Surat	65.67
Morbi	65.66
Devbhumi Dwarka	65.25
Mahesana	65.08
Vadodara	64.43
Anand	64.1
Valsad	63.89
Patan	63.27
Gir Somnath	62.82
Mahisagar	61.98
Panch Mahals	61.27
Dohad	60.5
Surendranagar	60.17
Kachchh	59.4
Jamnagar	59.22
Junagadh	59.21
Chhota Udaipur	58.95
Rajkot	58.85
Bhavnagar	57.34
Porbandar	54.83
Botad	53.47
Amreli	52.38
Bharuch	51.21

જિલ્લા પંચાયતઃ રાજ્યની 31 જિલ્લા પંચાયત બેઠકો પર મતદાન થઇ રહ્યું છે ત્યારે સાંજે 6 વાગ્યા સુધીમાં કુલ સરેરાશ 61 %  મતદાન થયું છે. ત્યારે જાણો કઇ જિલ્લા પંચાયતમાં કેટલું મતદાન થયું.

મતક્ષેત્ર	Voting Per
Tapi	71.44
The Dangs	71.16
Vadodara	68.73
Navsari	67.74
Ahmadabad	67.6
Gandhinagar	67.58
Sabar Kantha	66.78
Narmada	66.49
Morbi	65.57
Arvalli	65.38
Anand	65.21
Devbhumi Dwarka	64.22
Valsad	64.05
Mahesana	63.45
Gir Somnath	62.82
Patan	62.78
Mahisagar	61.98
Surat	61.01
Panch Mahals	60.28
Jamnagar	60.21
Junagadh	59.52
Kachchh	59.25
Chhota Udaipur	58.35
Surendranagar	57.65
Bhavnagar	56.86
Botad	55.13
Dohad	54.49
Rajkot	53.02
Porbandar	52.61
Amreli	52.42
Bharuch	41.73

નગરપાલિકાઃ રાજ્યની 81 નગરપાલિકાની બેઠકો પર મતદાન થઇ રહ્યું છે ત્યારે સાંજે 6 વાગ્યા સુધીમાં કુલ સરેરાશ 54 ટકા મતદાન થયું છે. ત્યારે જાણો કઇ નગરપાલિકામાં કેટલું મતદાન થયું.

district Name	VotingPer
Tapi	70.06
Vadodara	66.51
Valsad	65.41
Jamnagar	63.5
Arvalli	62.6
Devbhumi Dwarka	61.31
Surat	60.95
Ahmadabad	60.93
Panch Mahals	59.16
Gir Somnath	58.49
Gandhinagar	58.45
Mahesana	58.33
Anand	57.94
Kheda	56.08
Bhavnagar	55.87
Patan	55.65
Navsari	55.19
Sabar Kantha	54.68
Dohad	53.66
Banas Kantha	53.33
Amreli	51.68
Surendranagar	51.56
Morbi	51.21
Botad	51.19
Junagadh	50.29
Rajkot	46.48
Kachchh	46.3
Porbandar	46.29
Bharuch	43.9
Narmada	11.49

ભૂજના દેશલપર ગામે એક પણ મત ન પડ્યો

ભૂજના દેશલપર ગામે એક પણ મત ન પડ્યો. 5500થી વધુ મતવાળા ગામના 2 બુથમાં 0 ટકા મતદાન નોંધાયુ છે. દેશલપર ગામના લોકો દ્વારા ચૂંટણીનો બહિષ્કાર કરવામાં આવ્યો છે. વહીવટી તંત્ર-રાજકીય આગોવાનોની સમજાવટ પણ નિષ્ફળ રહીં છે. 

ગુજરાતમાં આ ગામો મતદાનથી રહ્યા અળગા

છોટાઉદેપુર જિલ્લાના સંખેડા તાલુકાના ગુંડેર ગામના મતદારોએ ચૂંટણીનો બહિષ્કાર કર્યો છે. ગુંડેર ગામનો એકપણ મતદાર મતદાન મથકે ગયો નથી. ગામના 450 જેટલા મતદારો પૈકી એકપણ મતદારે મતદાન કર્યું નથી. ગુંડેરના ગ્રામજનોએ ગામ પાસે આવેલી ઉચ્છ નદી પર છલીયું બનાવવાની માગ કરી હતી અને ગત વિધાનસભાની ચૂંટણી સમયે ધારાસભ્ય અભેસિંહ તડવીએ નદી પર છલીયું બનાવવા ખાતરી પણ આપી હતી પરંતુ નદી પર છલીયું ના બનતા મતદારોએ ચૂંટણીનો બહિષ્કાર કર્યો છે

આણંજના બોરસદના ડભાસી ગામમાં ચૂંટણીનો બહિષ્કાર કરવામાં આવ્યો છે. અત્યાર સુધી એક પણ મત ન પડતા ચકચાર મચી ગઈ છે. હાઇવે પર ગરનાળા બનાવવા ને લઇ લોકો એ આંદોલન છેડયું હતું. આંદોલન દરમિયાન પોલીસ સાથે લોકોને ઘર્ષણ થયું હતું. સવારથી અત્યાર સુધી એક પણ મત નહીં પડતા તંત્ર પણ ચિંતામાં મુકાઈ ગયુ છે. 

કાલોલની શક્તિપુરા વસાહત-2માં મતદાનનો બહિષ્કાર

પંચમહાલ ના કાલોલ તાલુકા શક્તિ પુરા વસાહત 2 માં લોકો મતદાનનો બહિષ્કાર કરી રહ્યા છે મતદાન શરૃ થયાના 4 કલાકથી વધુ સમય વીત્યા બાદ પણ મતદાન મથકમાં એક પણ વોટ નથી પડ્યો જેને કારણે અધિકારી અસમંજસમાં મુકાયા છે. 

ભારતીબેન શિયાળે કર્યુ મતદાન

ભાવનગરમાં ભાજપના રાષ્ટ્રીય ઉપાધ્યક્ષ ડોકટર ભારતીબેન શિયાળે તેમના પરિવાર સાથે તળાજાના મથાવડા ગામે મતદાન કર્યું હતું. ભારતીબેન શિયાળે લોકોને પણ મોટી સનખ્યામાં મતદાન કરવા અપીલ કરી હતી. તેમને આ ચૂંટણીમાં પણ ભાજપનો ભવ્ય વિજય થશે તેમ જણાવ્યું હતું.

વિપક્ષ નેતા પરેશ ધાનાણી પહોંચ્યા મતદાન કરવા

પરેશ ધાનાણી સાયકલ પર ખાતર લઇને મતદાન કરવા પહોંચ્યા હતા. 

હાર્દિક પટેલ વિરમગામમાં

હાર્દિક પટેલ આજે વિરમગામમાં પોતાના વતનમાં મતદાન કર્યુ હતુ. જોકે આ બેઠક પર તેઓ ભોંઠા પડ્યા હતા, કારણ કે આ બેઠક પર કોઇ કોંગ્રેસનો ઉમેદવાર ન હતો. ભાજપ અને અપક્ષનો ઉમેદવાર ચૂંટણી મેદાને હતા.

ભૂપેન્દ્રસિંહ ચૂડાસમાએ કર્યુ મતદાન
 

વિરમગામના વસવેલીયા ગામમાં મતદાન સમયે વિવાદ 

ભાજપનો ચુંટણી એજન્ટ બુથમાં પાર્ટી સિમ્બોલ સાથે પહોંચતા વિવાદ થયો. કોંગ્રેસના કાર્યકરે વાંધો ઉઠાવી કાર્યવાહી કરવા માંગ કરી હતી. ચૂંટણી અધિકારીની હાજરીમાં ભાજપ બુથ એજન્ટ ચિન્હ સાથે હાજર થયા હતા. 

ગઢડાના ઢસા ગામે મતદાનની પવિત્ર ફરજ નિભાવતા વૃદ્ધ

101 વર્ષના વૃદ્ધે મતદાન કર્યુ. ઢસાના નોલીપરા વિસ્તારની આંગણવાડીમાં મતદાન કર્યુ છે. ફરજિયાત મતદાન કરવા લોકોને અપીલ કરી હતી. 

હિંમતનગર ન.પાની ચૂંટણીમાં મતદારોમાં ઉત્સાહ

હિંમતનગરમાં 100 વર્ષીય વૃદ્ધાએ મતદાનકર્યુ હતુ. વોર્ડ નં-7માં 100 વર્ષીય વૃદ્ધાએ મતદાન કર્યુ હતુ. 

બોટાદમાં વરરજાએ લગ્ન પહેલા કર્યુ મતદાન

પાટણના વોર્ડ નંબર 2ના BM હાઈસ્કૂલ બુથ ઉપર હોબાળો થયો હતો. ઉમેદવારના એજન્ટ અને માસ્ક બાબતે હોબાળો થયો છે. એક ઉમેદવારનો એજન્ટ મતદાન કેન્દ્રમાં ફરતા વિરોધ નોંધાયો છે. પોલીસે મધ્યસ્થી કરીને મામલો થાળે પાડ્યો હતો. 

મહેસાણામાં નાગલપુર કોલેજની સાયન્સ બિલ્ડિંગમાં રાજ્યસભાના સાંસદ જુગલજી ઠાકોરે સહપરિવાર કર્યું મતદાન, જુગલજી ઠાકોરે લોકોને મતદાન કરવા અપીલ કરી છે. 

ગોધરાના ધારાસભ્યએ કર્યુ મતદાન

વાવડી બુઝર્ગ ગામે સી.કે.રાઉલજીએ કર્યું મતદાન. મતદારોને વધુમાં વધુ મતદાન કરવા માટે કરી અપીલ. 
 
કચ્છમાં રાજ્યમંત્રી વાસણ આહીરે રતનાલ ગામે પરિવાર સાથે મતદાન કર્યું હતુ અને કહ્યું કે, દરેક મતદાન અચૂક મતદાન કરે અને લોકશાહી પર્વમાં સહભાગી બને. 

મંત્રી કુંવરજી બાવળીયાએ કર્યુ મતદાન

કોવિડ-19ના નિયમોનો ભંગ

જૂનાગઢ જિલ્લા અને તાલુકા પંચાયત માટે મતદાન થઈ રહ્યું છે ત્યારે મતદાન કેન્દ્ર ઉપર કોવિડ-19ના નિયમોના ધજાગરા ઊડી રહ્યા છે અને મતદાન કેન્દ્ર ઉપર માસ્ક વગર મતદારો આવી રહ્યા છે. અધિકારીઓ પણ ગાઈડલાઈનનું પાલન નથી કરાવી રહ્યા

મતદારોને રિઝવવા પક્ષોના કાર્યકરો આપી રહ્યા છે લાલચ

મતદાન પહેલા મતદાતાઓને રિઝવવા પડાપડી થતી હોય તેવું જોવા મળી રહ્યું છે. ખેડબ્રહ્માના અંતરિયાળ વિસ્તારનો વીડિયો વાયરલ થયો છે જેમાં ભાજપ દ્વારા શાલ અને અન્ય વસ્તુઓ અપાતી જોઈ શકાય છે. 

• વેરાવળ-સોમનાથ બ્રહ્મ સમાજે અપક્ષોને ટેકો જાહેર કર્યો : બહોળી સંખ્યામાં બ્રહ્મ સમાજે એકઠા થઈને ભાજપ અને કોંગ્રેસને છોડીને અપક્ષને ટેકો આપતા રાજકારણ ગરમાયું
• અરવલ્લી જિલ્લા કલેકટરે મતદાન કર્યુ, મોડાસાની બહેરા-મૂંગા શાળામાં કર્યુ મતદાન, જિલ્લામાં શાંતિપૂર્ણ અને વધુ મતદાન કરવા કરી અપીલ

આજે રાજ્યભરમાં સ્થાનિક સ્વરાજ્યની ચૂંટણીનું મતદાન થઈ રહ્યું છે. 31 જિલ્લા પંચાયત, 231 તાલુકા પંચાયત અને 81 નગરપાલિકાના મતદારો મત્તાધિકારનો ઉપયોગ કરી રહ્યા છે. જેમાં 81 નગરપાલિકાના 46.89 લાખથી વધુ અને તાલુકા, જિલ્લા પંચાયતના 2.50 કરોડ મતદારો છે. આજે રાજ્યના 4 કરોડ 9 લાખ જેટલા મતદારો ઉમેદવારોના ભાવિનો ફેંસલો કરશે. જિલ્લા અને તાલુકા પંચાયતોમાં 31 હજાર 370 મતદાન મથકો ઉભા કરાયા છે. 

રાજ્યમાં 6 હજાર 443 મતદાન મથકો સંવેદનશિલ જાહેર કરાયા છે. 3 હજાર 532 મતદાન મથકો અતિસંવેદનશીલ છે. ગત ચૂંટણીમાં 31માંથી 23 જિલ્લા પંચાયત કોંગ્રેસે કબજે કરી હતી. 31માંથી માત્ર 8 જિલ્લા પંચાયત જ ભાજપના ફાળે આવી હતી. 231 તાલુકા પંચાયતમાંથી 146 કોંગ્રેસ, 85માં ભાજપને જીત મળી હતી. 51 નગરપાલિકામાંથી ભાજપને 37 અને કોંગ્રેસનો 14માં વિજય થયો હતો.

ગુજરાતની 231 તા.પંચાયતની યોજાઇ રહી છે ચૂંટણી 

ગુજરાતની 231 તા.પંની ચૂંટણીમાં કુલ 12,265 ઉમેદવારો મેદાને છે. જેમાં ભાજપના 4652, કોંગ્રેસના 4594 ઉમેદવારો ચૂંટણી લડી રહ્યા છે. જ્યારે BSP-255, NCP-61 અને AAPના 1067 ઉમેદવારો મેદાને છે. તો અન્ય પક્ષોના 462 અને 1139 અપક્ષ ઉમેદવારો ચૂંટણી જંગમાં છે.

ગુજરાતની 81 નગરપાલિકામાં યોજાઈ રહી છે ચૂંટણી

રાજ્યભરમાં 81 નગરપાલિકામાં ચૂંટણી યોજાઈ રહી છે. 7 હજાર 245 ઉમેદવારોના ભાવિ EVMમાં કેદ થશે. ભાજપના 2,555 અને કોંગ્રેસના 2,247 ઉમેદવારો મેદાનમાં છે. BSP-109, NCP-88, SP-64 ઉમેદવારો ચૂંટણી લડી રહ્યા છે. AAPના 719 અને અન્ય પક્ષોના 264 અને 1,184 અપક્ષ ઉમેદવારો પણ રણમેદાનમાં છે.

જિલ્લા પંચાયતની ચૂંટણીમાં 2655 ઉમેદવારો મેદાને

રાજ્યની જિલ્લા પંચાયતની ચૂંટણીમાં કુલ 2 હજાર 655 ઉમેદવારો મેદાનમાં છે. જેમાં ભાજપના 954, કોંગ્રેસના 937 ઉમેદવારો મેદાને છે. BSPના 88, NCPના 23, CPI-Mના 3, AAPના 304 ઉમેદવાર છે. જ્યારે અન્ય પક્ષોના 133 અને 209 અપક્ષ ઉમેદવારો રણસંગ્રામમાં છે.

કેટલી બેઠકો બિનહરીફ?

વિવિધ જિલ્લા પંચાયતોની કુલ 25 બેઠકો બિનહરીફ, વિવિધ તાલુકા પંચાયતોની 117 બેઠકો બિનહરીફ, વિવિધ નગરપાલિકાઓની 95 બેઠકો બિનહરીફ થઇ છે.