ગુજરાતમાં ફેબ્રુઆરીમાં સ્થાનિક સ્વરાજ્યની ચૂંટણી યોજવા માટેની તડામાર તૈયારીઓ શરૂ થઈ ગઈ છે. આ અંગે ચૂંટણીપંચે પણ તૈયારીઓ શરૂ કરી દીધી છે.
સ્થાનિક સ્વરાજયની ચૂંટણીઓને લઈ ચૂંટણીપંચ સજ્જ
રાજયની 31 જિલ્લા પંચાયત યોજાશે ચૂંટણી
231 તાલુકા પંચાયત, 6 મનપાની યોજાવાની છે ચૂંટણી
રાજ્યમાં આવનારી સ્થાનિક સ્વરાજ્યની ચૂંટણીઓને લઈને ચૂંટણી પંચે તૈયારી આરંભી દીધી છે. રાજ્યની 31 જિલ્લા પંચાયત, 231 તાલુકા પંચાયત તથા 6 મહાનગર પાલીકા અને 51 નગરપાલિકાની આવનારા સમયમાં ચૂંટણીઓ યોજાવા જઈ રહી છે. ત્યારે 5મી જાન્યુઆરીએ મતદાર યાદીની પ્રાથમિક યાદી પ્રસિદ્ધ કરાશે. અને આખરી મતદાર યાદી જાન્યુઆરીના અંતિમ સપ્તાહમાં પ્રસિદ્ધ કરવામાં આવશે.
ભાજપમાં પેજ પેનલ તૈયાર
સ્થાનિક સ્વરાજ્યની ચૂંટણીમાં સામાન્ય રીતે કોંગ્રેસ ભાજપને કાંટાની ટક્કર આપે છે અને ક્યાંક ક્યાંક તો જીતી પણ જાય છે અને જિલ્લા પંચાયત ચૂંટણીમાં તો કોંગ્રેસ મેદાન મારી જાય છે. બીજે પક્ષે આ વખતે C R Patil ચૂંટણી જીતવા કટીબદ્દ છે જ્યારે કોંગ્રેસ હજુ કંઈ ખાસ નક્કર તૈયારીઓ દેખાતી નથી.
અમદાવાદ મનપા જીતવા ભાજપ કટીબદ્ધ
અમદાવાદ મનપામાં 175 બેઠકો જીતવાનો ભાજપનો લક્ષ્યાંક છે. શહેર ભાજપના હોદ્દેદારોની 175 બેઠકો જીતવા યોજના ઘડવામાં આવી રહી છે અને એમાંય દરિયાપુર, શાહપુર, બાપુનગર, સરસપુર, રખિયાલ બેઠકો પર ભાજપ દ્વારા વિશેષ ધ્યાન અપાશે. 2015માં મનપા ચૂંટણીમાં ભાજપને 142 બેઠકો મળી હતી. 2010માં અમદાવાદ મનપામાં ભાજપને 151 બેઠકો મળી હતી. સી.આર.પાટીલે સંગઠનના હોદ્દેદારોને પણ આશ્વાસન આપ્યું છે. સંગઠનના લોકો પણ ચૂંટણી લડી શકે છે.