આજે ગુજરાતની 6 મહાનગરપાલિકા માટે મતદાન થઈ રહ્યું છે ત્યારે ક્યાંક માથાકૂટ ક્યાક EVM ખોટકાવા સુધીની ઘટનાઓ ઘટી છે આવો જાણીએ ક્યાં ક્યાં થયો કકળાટ
અમદાવાદમાં મેઘાણીનગરમાં મતદાન બુથમાં માથાકૂટ
વડોદરામાં સાંસદ અને ઉમેદવારના ભાઇ વચ્ચે થઇ બબાલ
રાજકોટમાં કકળાટ
મેઘાણીનગર ભગવતી વિદ્યાલયમાં મતદાનને લઈ બબાબલ જોવા મળી હતી. બબાલને પગલે SP સહિત પોલીસ કાફલો ઉતાર્યો હતો. મતદાન બૂથમાં બોલાચાલી થતા મામલો ગરમાયો હતો જો કે ઘઠના કોઈ હિંસક બનાવમાં પરિણમે એ પહેલા જ ઘટનાને લઇ પોલીસે બંદોબસ્ત ગોઠવાયો હતો.
અમદાવાદના લાંભા વોર્ડના EVMમાં ગરબડી આવી સામે
અમદાવાદના લાંભા વોર્ડના EVMમાં ગરબડીની ફરિયાદ ઉછી હતી. ગ્યાસપુરના બુથ નંબર 3ના EVMમાં ખામી સર્જાઈ હતી. 3 વાર બટન દબાવવા છતાં નથી મત પડતો. 10 નંબર કોંગ્રેસ ઉમેદવાર મેહુલ ભરવાડનો ક્રમાંક છે. ધારાસભ્ય લાખા ભરવાડના મતદાન સમયે ક્ષતિ સામે આવી હતી. ધારાસભ્યએ લાખા ભરવાડે EVM બદલવા માગ કરી હતી.
અમદાવાદ કોર્પોરેશનની ચૂંટણી માટે મતદાન
જુહાપુરામાં એ-વન સ્કૂલમાં મતદાન પ્રક્રિયાઓ ગોઠવાઇ હતી. દોઢ કલાકથી મતદાન પ્રક્રિયા ગોઠવાઇ હતી. મતદાન પ્રક્રિયા ખોરવાતા મતદારોમાં ભારે રોષ જોવા મળ્યો હતો. મતદાન મથક પર પોલીસ બંદોબસ્ત ગોઠવાયો હતો.
રાજકોટ લક્ષ્મીનગર મેઈન રોડપરની ઘટના
આપના કાર્યકરો પર હુમલાની ઘટના સામે આવી હતી. આપ કાર્યાલયમાં તોડફોડની ચર્ચામાં મામલો ઉગ્ર બન્યો હતો. અને આપ દ્રારા આક્ષેપ કરવામાં આવી રહ્યો હતો કે આ તમામ ઘટનામાં ભાજપનો હાથ છે.
સુરત મનપા ચૂંટણી માટે મતદાન
સુરતના વોર્ડ નં-18નો વીડિયો વાયરલ થયો હચો જેમાં આચાર સંહિતાનું ઉલ્લંઘન થતુ હતુ. સોશિયલ મીડિયામાં મતદાનનો વીડિયો વાયરલ થયો હતો. બૂથ બહાર ડમી EVM દ્વારા મતદાન શીખવાડાય છે એટલું જ નહીં પરંતુ બૂથ બહાર ભાજપને મત આપવા માટે અપીલ કરવામાં આવી રહી છે.
વડોદરામાં સાંસદ અને ઉમેદવારના ભાઇ વચ્ચે થઇ બબાલ
વડોદરામાં નૂતન સ્કૂલના મતદાન કેન્દ્રમાં સાંસદ પ્રવેશતા બબાલ થઇ હતી. વોર્ડ નં-2ના કોંગ્રેસના ઉમેદવારના ભાઇએ હોબાળો કર્યો હતો. દિપ્તી મહેતાના ભાઇ જીતેન્દ્ર સોલંકીએ હોબાળો કર્યો હતો. હોબાળો થતા સાસંદ રંજન ભટ્ટ મતદાન કેન્દ્ર બહાર નિકળી ગયા હતા. કોંગ્રેસ વીડિયો બનાવી વાયરલ કર્યો હતો.
અમદાવાદ મનપામાં મતદાનને લઇ કોંગ્રેસે ECમાં કરી ફરિયાદ
કોંગ્રેસના ચૂંટણી સંકલન સમિતિના ચેરમેને ECમાં ફરિયાદ કરી છે. વટવામાં મતદાન પ્રક્રિયા પ્રભાવિત કરવાનો આરોપ લગાવ્યો છે. બુથ નં-62થી 71માં મતદાન કેન્દ્રને લઇ ફરિયાદ કરી હતી. નાસીકમુલ્લા અને મુન્નાભાઇ મતદારોને ધમકાવતા હોવાની ફરિયાદ ઉઠી રહી છે. મતદાન કેન્દ્રની બહાર બેસી મતદારોને ધમકાવી રહ્યાં છે. કોંગ્રસે ચૂંટણી પંચને યોગ્ય કાર્યવાહી રજૂઆત કરી હતી.