ચૂંટણી / ગૌરવ: ગુજરાતના આ ક્રિકેટરે કહ્યું કે મત આપવો એ દરેક ભારતીયની પવિત્ર ફરજ છે

• પોરબંદરમાં દિવ્યાંગ ક્રિકેટર દ્વારા મતદાન
• ગુજરાત વ્હીલચેર ટીમના કેપ્ટને કર્યુ મતદાન
• તમામને મતદાન માટે કરી અપીલ

આજ રોજ પોરબંદર જિલ્લામાં સ્થાનિક સ્વરાજ ની ચૂંટણી માટે મતદાન ની પ્રક્રિયા શરૂ કરવામાં આવી છે.ત્યારે પોરબંદર ના દિવ્યાંગ ક્રિકેટર ભીમભાઈ ખૂટી એ વહીલચેર પર મતદાન મથકે પહોંચીયા હતા.અને વધુ માં વધુ લોકો મતદાન કરી લોકશાહી ના આ પર્વ ની ઉજવણી કરે તેવી અપીલ કરી હતી.

વ્હીલચેર ક્રિકેટ ટિમના કેપ્ટન ભીમભાઈ ખૂટી કર્યુ મતદાન

પોરબંદર માં આજે પોરબંદર છાયા નગરપાલિકા, તાલુકા અને જિલ્લા પંચાયતની ચૂંટણીનું મતદાન યોજાયું છે.ત્યારે ગુજરાત વ્હીલચેર ક્રિકેટ ટિમના કેપ્ટન ભીમભાઈ ખૂટી એ પણ છાંયા ખાતે આવેલ પ્રાથમિક શાળા ખાતે મતદાન કર્યું હતું. 

લોકોશાહીના પર્વ ની ઉજવણી કરે તેવી અપીલ કરી

ભીમભાઈ ખૂટી નાનપણથી દિવ્યાંગ છે અને તેઓ વહીલચેર ક્રિકેટ રમી રહ્યા છે.ત્યારે આજે મતદાન ના દિવસે તેઓ વહીલ ચેર પર મતદાન મથક ખાતે પોહચિયા હતા અને મતદાન કર્યું હતું અને અન્ય લોકો પણ પોતાના મતાધિકા નો ઉપયોગ કરી યોગ્ય ઉમેદવારને વિજેતા બનાવે અને આ લોકોશાહીના પર્વ ની ઉજવણી કરે તેવી અપીલ કરી હતી.

બીજા તબક્કાનું મતદાન

આજે રાજ્યભરમાં સ્થાનિક સ્વરાજ્યની ચૂંટણીનું મતદાન થઈ રહ્યું છે. 31 જિલ્લા પંચાયત, 231 તાલુકા પંચાયત અને 81 નગરપાલિકાના મતદારો મત્તાધિકારનો ઉપયોગ કરી રહ્યા છે. જેમાં 81 નગરપાલિકાના 46.89 લાખથી વધુ અને તાલુકા, જિલ્લા પંચાયતના 2.50 કરોડ મતદારો છે. આજે રાજ્યના 4 કરોડ 9 લાખ જેટલા મતદારો ઉમેદવારોના ભાવિનો ફેંસલો કરશે. જિલ્લા અને તાલુકા પંચાયતોમાં 31 હજાર 370 મતદાન મથકો ઉભા કરાયા છે. 

રાજ્યમાં 6 હજાર 443 મતદાન મથકો સંવેદનશિલ જાહેર કરાયા છે. 3 હજાર 532 મતદાન મથકો અતિસંવેદનશીલ છે. ગત ચૂંટણીમાં 31માંથી 23 જિલ્લા પંચાયત કોંગ્રેસે કબજે કરી હતી. 31માંથી માત્ર 8 જિલ્લા પંચાયત જ ભાજપના ફાળે આવી હતી. 231 તાલુકા પંચાયતમાંથી 146 કોંગ્રેસ, 85માં ભાજપને જીત મળી હતી. 51 નગરપાલિકામાંથી ભાજપને 37 અને કોંગ્રેસનો 14માં વિજય થયો હતો.

ગુજરાતની 231 તા.પંચાયતની યોજાઇ રહી છે ચૂંટણી 

ગુજરાતની 231 તા.પંની ચૂંટણીમાં કુલ 12,265 ઉમેદવારો મેદાને છે. જેમાં ભાજપના 4652, કોંગ્રેસના 4594 ઉમેદવારો ચૂંટણી લડી રહ્યા છે. જ્યારે BSP-255, NCP-61 અને AAPના 1067 ઉમેદવારો મેદાને છે. તો અન્ય પક્ષોના 462 અને 1139 અપક્ષ ઉમેદવારો ચૂંટણી જંગમાં છે.

ગુજરાતની 81 નગરપાલિકામાં યોજાઈ રહી છે ચૂંટણી

રાજ્યભરમાં 81 નગરપાલિકામાં ચૂંટણી યોજાઈ રહી છે. 7 હજાર 245 ઉમેદવારોના ભાવિ EVMમાં કેદ થશે. ભાજપના 2,555 અને કોંગ્રેસના 2,247 ઉમેદવારો મેદાનમાં છે. BSP-109, NCP-88, SP-64 ઉમેદવારો ચૂંટણી લડી રહ્યા છે. AAPના 719 અને અન્ય પક્ષોના 264 અને 1,184 અપક્ષ ઉમેદવારો પણ રણમેદાનમાં છે.

જિલ્લા પંચાયતની ચૂંટણીમાં 2655 ઉમેદવારો મેદાને

રાજ્યની જિલ્લા પંચાયતની ચૂંટણીમાં કુલ 2 હજાર 655 ઉમેદવારો મેદાનમાં છે. જેમાં ભાજપના 954, કોંગ્રેસના 937 ઉમેદવારો મેદાને છે. BSPના 88, NCPના 23, CPI-Mના 3, AAPના 304 ઉમેદવાર છે. જ્યારે અન્ય પક્ષોના 133 અને 209 અપક્ષ ઉમેદવારો રણસંગ્રામમાં છે.

કેટલી બેઠકો બિનહરીફ?

વિવિધ જિલ્લા પંચાયતોની કુલ 25 બેઠકો બિનહરીફ, વિવિધ તાલુકા પંચાયતોની 117 બેઠકો બિનહરીફ, વિવિધ નગરપાલિકાઓની 95 બેઠકો બિનહરીફ થઇ છે.