ગુજરાતમાં AAP નો ઉદય અને કોંગ્રેસ આથમવા તરફ જઈ રહ્યો છે? ભાજપ પ્રદેશ પ્રમુખ C R Patilના ગઢ સુરતમાં AAP નો પગ પેસારો.
6 મહાનગરપાલિકાની ચૂંટણી પરિણામમાં સુરતમાં 27 બેઠકો પર આપના વિજય બાદ જિલ્લા અને તાલુકા પંચાયત પર પણ સૌની નજર હતી ત્યારે આજે તાલુકા પંચાયત અને જિલ્લા પંચાયતમાં પણ AAPએ એન્ટ્રી કરી છે.
સુરતમાં AAP VS BJP
C R પાટીલના ઘર આંગણા સમી સુરતમાં મહાનગરપાલિકામાં APPને 27 બેઠકો મળ્યા બાદ APP ના સ્થાપક અને દિલ્હીના મુખ્યમંત્રી અરવિંદ કેજરીવાલે સુરતમાં ભવ્ય રોડ શો કર્યો હતો. ત્યારે આજે તાલુકા પંચાયતમાં આ અસર દેખાઈ રહી છે.
શું કહે છે પરિણામ
સુરતમાં અંબોલી તાલુકા પંચાયતમાં આપને જીત મળી છે. ત્યારે રાજકોટમાં પણ આપે પગપેસારો કર્યો છે. ભાજપા પ્રમુખ C R પાટીલના ગઢમાં જ આપે ગાબડા પાડવાનું શરૂ કરી દીધુ છે પહેલા સુરત મહાનગરપાલિકા અને હવે તાલુકા પંચયાતમાં તેણે જીત તરફ કૂચકદમ કર્યા છે.
આજે છે પરિણામ
ગુજરાતમાં 31 જિલ્લા પંચાયત, 231 તાલુકા પંચાયત અને 23 નગરપાલિકાની ચૂંટણીનું આજે પરિણામ જાહેર થઈ રહ્યુ છે. શહેરી મતદારો કરતા વધારે ગ્રામિણ મતદારોએ મતદાન કર્યું હતું. રવિવારે યોજાયેલી 31 જિલ્લા પંચાયત, 231 તાલુકા પંચાયત અને 81 નગરપાલિકાની ચૂંટણીમાં સરેરાશ અંદાજે 60 ટકા જેટલું મતદાન નોંધાયું હતું. રાજ્યના 31 જિલ્લા પંચાયતમાં 62.55 ટકા, તાલુકા પંચાયતમાં 63.52 ટકા અને નગરપાલિકામાં 55.10 ટકા જેટલું મતદાન નોંધાયું હતું. રાજ્યમાં 31 જિલ્લાની 980 બેઠક, 231 તાલુકા પંચાયતની 4,774 બેઠકો અને 81 નગરપાલિકાની 2,720 બેઠકો સહીત કુલ 8,474 બેઠકો માટે ચૂંટણી યોજાઈ હતી.