જંગ / ગામડુ કોણ જીતશે? કોંગ્રેસનો પંજો પકડશે કે, ભાજપનું કમળ ખીલશે? કે AAPને મળશે આવકાર!

• ભાજપ જીતશે?
• કોંગ્રેસ કે પછી આપ?
• દ. ગુજરાતમાં સિકલ બદલાશે

ગુજરાતમાં આજે સ્થાનિક સ્વરાજ્યની ચૂંટણીમાં બીજા તબક્કાનું મતદાન શરૂ થઈ ગયુ છે ત્યારે જે રીતે મતદાન નોંધાઈ રહ્યુ છે તે જોતા ભાજપ માટે ગામડાઓને લોભાવવાનું કપરું પુરવાર થઈ શકે છે. દ. ગુજરાતમાં સૌથી વધુ મતદાન થઈ રહ્યુ છે ત્યારે ત્રીજા મોરતા આપને સફળતા મળી શકે છે તો વળી પરંપરાગત લોકો કોંગ્રેસને જીતાડે તેવી પણ શક્યતાઓ દેખાઈ રહી છે. વળી નર્મદામાં AIMIM ની તરફેણમાં પણ મતદાન થઈ શકે છે. 

LIVE UPDATES : 

10 વાગ્યા સુધીનું મતદાન (ટકામાં )

તાપીમાં સૌથી વધુ મતદાન

ગુજરાતની 231 તા.પંચાયતની યોજાઇ રહી છે ચૂંટણી 

ગુજરાતની 231 તા.પંની ચૂંટણીમાં કુલ 12,265 ઉમેદવારો મેદાને છે. જેમાં ભાજપના 4652, કોંગ્રેસના 4594 ઉમેદવારો ચૂંટણી લડી રહ્યા છે. જ્યારે BSP-255, NCP-61 અને AAPના 1067 ઉમેદવારો મેદાને છે. તો અન્ય પક્ષોના 462 અને 1139 અપક્ષ ઉમેદવારો ચૂંટણી જંગમાં છે.

ગુજરાતની 81 નગરપાલિકામાં યોજાઈ રહી છે ચૂંટણી

રાજ્યભરમાં 81 નગરપાલિકામાં ચૂંટણી યોજાઈ રહી છે. 7 હજાર 245 ઉમેદવારોના ભાવિ EVMમાં કેદ થશે. ભાજપના 2,555 અને કોંગ્રેસના 2,247 ઉમેદવારો મેદાનમાં છે. BSP-109, NCP-88, SP-64 ઉમેદવારો ચૂંટણી લડી રહ્યા છે. AAPના 719 અને અન્ય પક્ષોના 264 અને 1,184 અપક્ષ ઉમેદવારો પણ રણમેદાનમાં છે.

જિલ્લા પંચાયતની ચૂંટણીમાં 2655 ઉમેદવારો મેદાને

રાજ્યની જિલ્લા પંચાયતની ચૂંટણીમાં કુલ 2 હજાર 655 ઉમેદવારો મેદાનમાં છે. જેમાં ભાજપના 954, કોંગ્રેસના 937 ઉમેદવારો મેદાને છે. BSPના 88, NCPના 23, CPI-Mના 3, AAPના 304 ઉમેદવાર છે. જ્યારે અન્ય પક્ષોના 133 અને 209 અપક્ષ ઉમેદવારો રણસંગ્રામમાં છે.

કેટલી બેઠકો બિનહરીફ?

વિવિધ જિલ્લા પંચાયતોની કુલ 25 બેઠકો બિનહરીફ, વિવિધ તાલુકા પંચાયતોની 117 બેઠકો બિનહરીફ, વિવિધ નગરપાલિકાઓની 95 બેઠકો બિનહરીફ થઇ છે.