મહેસાણાના કડી પોલીસ સ્ટેશનના દારૂકાંડ મામલે વિવાદ વધી રહ્યો છે જો કે 9 પોલીસકર્મી સામે ફરિયાદ મામલે તપાસ કરવાની શરૂઆત થઈ ગઈ છે. આ મામલે કડીના આગેવાનો 2 હજારથી વધુ લોકોએ પીએમ મોદીએ ટ્વિટ કરીને તપાસની માગ કરી છે.
કડી પોલીસ સ્ટેશનના 9 પોલીસકર્મી સામે ફરિયાદનો મામલો
ફરાર થઈ ગયેલા પોલીસકર્મીઓને ઝડપવા બનાવાઈ ટીમ
રેન્જ IGએ પોલીસકર્મીઓને પકડવા બનાવી 4 ટીમ
મહેસાણાના કડી પોલીસ સ્ટેશનના 9 પોલીસકર્મી વિરુદ્ધ દારૂ વેચવાની ફરિયાદ મામલે હવે તપાસનો ધમધમાટ શરૂ કરવામાં આવ્યા છે. ફરાર થઈ ગયેલા પોલીસકર્મીઓને ઝડપવા માટે હવે રેન્જ IGએ 4 ટીમ બનાવી છે. આ પ્રત્યેક ટીમમાં 5 પોલીસકર્મીઓનો સમાવેશ કરવામાં આવે છે. પુરાવા એકઠા કરવા માટે પણ કામગીરી સોંપવામાં આવી છે.
જ્યારે ગાંધીનગર SPના સુપરવિઝન હેઠળ તપાસ પ્રક્રિયા શરુ કરી દેવામાં આવી છે. આ ઉપરાંત ગાંધીનગર હેડ ક્વાર્ટર DySP ગુનાની તપાસ કરશે. કડી પોલીસ સ્ટેશનના કર્મચારીઓએ ઝડપાયેલા દારુના જથ્થાનું વેચાણ કર્યું હતું. જે મામલો સામે આવ્યા બાદ હવે પોલીસ તંત્ર જાગી ગયું છે. જ્યારે દારૂ વેચનાર પોલીસકર્મીઓ ફરાર થઈ ગયા છે
કડીના આગેવાનો 2 હજારથી વધુ લોકોએ પીએમ મોદીએ ટ્વિટ કરીને તપાસની માગ કરી
મહેસાણાના કડી પોલીસ સ્ટેશનના દારૂકાંડ મામલે વિવાદ થયો છે. વડનગરમાં ફરજ પર બજાવતા પોલીસકર્મી પ્રહલાદ પટેલને આરોપી બનાવાતા વિવાદ સર્જાયો છે. પ્રહલાદ પટેલ હાલમાં વડનગરના કન્ટેઈનમેંટ ઝોનમાં ફરજ બજાવી રહ્યા છે. એક મહિના પહેલા પ્રહલાદ પટેલની કડી પોલીસ સ્ટેશનમાંથી વડનગરમાં બદલી થઈ હતી. હાલમાં તેઓ વડનગરના પોલીસ સ્ટેશનમાં ફરજ બજાવી રહ્યા છે. કડીના આગેવાનો 2 હજારથી વધુ લોકોએ પીએમ મોદીએ ટ્વિટ કરીને તપાસની માગ કરી છે.
આરોપીઓને બચાવવા માટે નાના પોલીસકર્મીઓનો ભોગ લેવાતો હોવાનો સ્થાનિકોએ આક્ષેપ કર્યો છે. આ ઘટનામાં PIની નજીકના D-STAFFના PSIને આરોપી ન બનાવ્યા હોવાનો આક્ષેપ કરાયો છે. સાથે જ દારૂ જેના મકાનમાંથી મળ્યો તેની સામે પણ કાર્યવાહી કરવામાં આવી નથી. નિર્દોષ પોલીસકર્મીને ફસાવી ગુનેગારને બચાવવાનો ટ્વિટમાં ઉલ્લેખ કરાયો છે.
શું છે મામલો?
મહેસાણાના કડી પોલીસ સ્ટેશનમાં દારૂકાંડ મામલે 7 પોલીસકર્મી અને 2 હોમગાર્ડ સામે ફરિયાદ થઈ છે. આ મામલે એક પોલીસ ઈન્સપેક્ટપ, બે પોલીસ સબ ઈન્સપેક્ટર, 4 આસિસ્ટેન્ટ સબ ઈન્સપેક્ટર અને 2 હોમગાર્ડ જવાનો સામે ફરિયાદ થઈ છે. PI ઓ.એમ.દેસાઈ, PSI એ.એસ.બારા, કે.એન.પટેલ, ASI મોહનભાઈ, હિતેષ પટેલ, પ્રહલાદ પટેલ, શૈલેષ પટેલ સામે ફરિયાદ થઈ છે. કડી પોલીસ સ્ટેશનમાં દારૂકાંડમાં નામ સામે આવ્યા બાદ પોલીસકર્મીઓ ભૂગર્ભમા ઉતરી ગયા હતા. જો કે હવે પેન્ડેમિક એક્ટ હેઠળ કાર્યવાહી થતા આ ઘટનામાં 9 પોલીસકર્મીઓને સસ્પેન્ડ કરવામાં આવ્યા છે અને જિલ્લા પોલીસવડાએ આગળની કાર્યવાહી હાથ ધરી છે