- રણજી ટ્રોફી મેચમાં ગુજરાતે જમ્મુ અને કાશ્મીરને 9 વિકેટે હરાવ્યું હતું
- ડાબોડી સ્પિનર સિદ્ધાર્થ દેસાઈએ 14 વિકેટ ઝડપી હતી
- 22 મેચમાં 25ની એવરેજથી 100 વિકેટ લીધી
આજકલ લગભગ દરેક લોકોને ક્રિકેટ જોવું ગમે છે અને જે લોકોને ક્રિકેટ પસંદ છે એ લોકો એ રવિન્દ્ર જાડેજાએ ઘણી વખત મેદાન પર સારું પ્રદર્શન કરતાં જોયા હશે. ઘણા લોકો રવિન્દ્ર જાડેજાની ગણતરી વિશ્વના શ્રેષ્ઠ ઓલરાઉન્ડરોમાં કરે છે. જો કે હજુ પણ ઈજાગ્રસ્ત છે એટલા માટે ક્રિકેટથી દૂર છે પણ આવતા મહિને શ્રીલંકા સામેની ટી-20 સીરિઝમાંથી વાપસી તેઓ કરી શકે છે. જો કે આ દરમિયાન રણજી ટ્રોફી મેચનું આયોજન થયું છે અને તેમાં ગુજરાત vs જમ્મુ કાશ્મીરના મેચમાં ગુજરાતે ગુરુવારે જમ્મુ અને કાશ્મીરને 9 વિકેટે હરાવ્યું હતું. આ મેચમાં રવિન્દ્ર જાડેજા જેવા જ એક બીજા ગુજરાતી ઓલરાઉન્ડરને લોકોએ જોયો હતો.
સિદ્ધાર્થ દેસાઈએ 14 વિકેટ ઝડપી
મેચમાં ડાબોડી સ્પિનર સિદ્ધાર્થ દેસાઈએ 14 વિકેટ ઝડપી હતી અને તેની ફિલ્ડિંગ જોઈને લોકો તેને જુનિયર જાડેજા નામ આપ્યું છે. સિદ્ધાર્થ દેસાઈની ઉંમર માત્ર 22 વર્ષની છે એવામાં જો તે આવનારા સમયમાં પણ પોતાનું શાનદાર પ્રદર્શન ચાલુ રાખશે તો તે ટીમ ઈન્ડિયામાં જગ્યા મળી શકે છે. આ સાથે જ તમને જણાવી દઈએ કે તેની ફર્સ્ટ ક્લાસ કારકિર્દીમાં એમને 100 વિકેટ પૂરી કરી છે અને એમને ફક્ત 22 મેચમાં આ કારનામું કરી બતાવ્યું છે.
22 મેચમાં 25ની એવરેજથી 100 વિકેટ લીધી
મેચની વાત કરી તો તેમાં સિદ્ધાર્થ દેસાઈએ જમ્મુ-કાશ્મીર સામે પ્રથમ દાવમાં 12.5 ઓવરમાં 38 રન આપીને 6 વિકેટ ઝડપી હતી અને આ દરમિયાન એમને 6 મેડન ઓવર ફેંકી હતી. જો કે એ પછી બીજા દાવમાં તે વધુ ઘાતક સાબિત થયો. આ ડાબોડી સ્પિનરે 18 ઓવરમાં 66 રન આપીને 8 વિકેટ લઈને ધમાકેદાર પ્રદર્શન કર્યું હતું. આ સાથે જ તેને 22 મેચમાં 25ની એવરેજથી 100 વિકેટ લીધી છે. અત્યાર સુધીમાં 66 રનમાં 8 વિકેટ લેવી એ એમનું સર્વશ્રેષ્ઠ પ્રદર્શન છે, જે માત્ર જમ્મુ-કાશ્મીર સામે આવ્યું હતું.
લિસ્ટ-એમાં 23 વિકેટ
જો સિદ્ધાર્થ દેસાઈની લિસ્ટ-એ કરિયરની વાત કરી તો તેમાં તેને 19 મેચમાં 23 વિકેટ લીધી હતી જેમાં 20 રનમાં 3 વિકેટ એમનું શ્રેષ્ઠ પ્રદર્શન છે. જો કે સિદ્ધાર્થ દેસાઈને હજુ સુધી T20માં કોઈ તક મળી નથી. રણજી ટ્રોફીના મેચની વાત કરીએ તો ગુજરાતે પ્રથમ દાવમાં 307 રન બનાવ્યા હતા અને તેના જવાબમાં જમ્મુ-કાશ્મીરની ટીમ માત્ર 135 રન બનાવીને આઉટ થઈ ગઈ હતી.
ફાસ્ટ બોલર તરીકે કરી હતી શરૂઆત
જણાવી દઈએ કે સિદ્ધાર્થ દેસાઈના સ્પિનર બનવાની વાર્તા પણ ઘણી રસપ્રદ છે. જુનિયર જાડેજાએ પોતાની કારકિર્દીની શરૂઆત ડાબા હાથના ઝડપી બોલર તરીકે કરી હતી પણ એમના કોચના કહેવા પર તે સ્પિનર બન્યો. હવે તે રવીન્દ્ર જાડેજા અને અક્ષર પટેલની જેમ પ્રદર્શન કરવા ઉત્સુક છે.
