દેશમાં ગુજરાતે સૌપ્રથમ RTEના કાયદાનો કર્યો અમલઃ શિક્ષણ મંત્રી ભુપેન્દ્રસિંહ

ગાંધીનગર: સમગ્ર રાજ્યમાં RTE હેઠળ પ્રવેશ મુદ્દે હોબાળો મચી રહ્યો છે. ત્યારે RTEના મુદ્દે શિક્ષણમંત્રીએ ગાંધીનગરમાં નિવેદન આપ્યું હતું. શિક્ષણમંત્રીએ કહ્યું કે દેશમાં ગુજરાતે સૌપ્રથમ RTEના કાયદાનો અમલ કર્યો છે.

RTEના અમલ માટે 100 કરોડથી વધારે રકમ ખર્ચી છે. અમલીકરણ પર બે મુદ્દા હાઈકોર્ટમાં વિચારાધીન છે. રાજ્ય સરકારે પ્રવેશ માટે 5 વર્ષની ઉંમર નક્કી કરી હતી. તો 5 વર્ષની ઉંમરનો નિયમ CBSE પણ અમલ કરે.

6 વર્ષે શાળામાં પ્રવેશ બાબતનો મામલો કોર્ટમાં છે. સરકારના લિસ્ટમાં નથી તે શાળાને કોટા પ્રમાણે વિધાર્થીઓ ફાળવ્યા છે. સિસ્ટમેટિકલી ડીસીપ્લોનરી વેમાં પ્રક્રિયા ચાલી રહી છે.

વર્તમાન પ્રક્રિયાને ખોરવવાનો પ્રયાસથી વિદ્યાજગતને નુકસાન થશે. સસ્તી લોક પ્રિયતા મેળવવા કેટલાક લોકો પ્રયાસ કરે છે.