વેક્સિનેશનમાં ગુજરાત પ્રથમ ક્રમે અન્ય રાજ્યોની સરખામણીએ રાજ્યમાં અત્યાર સુધી 76 ટકા લોકોને સિંગલ ડોઝ અપાઇ ચૂક્યો છે.
વેક્સિનેશનમાં ગુજરાત નંબર પ્રથમ ક્રમે
ગુજરાતમાં 76 ટકા લોકોને અપાયો સિંગલ ડોઝ
7 મહિનામાં 4.91 કરોડ લોકોને વેક્સિન મળી
વેક્સિનેશનમાં ગુજરાત પ્રથમ ક્રમ આવ્યું છે. અન્ય રાજ્યોની સરખામણીમાં ગુજરાતમાં અત્યાર સુધી 76 ટકા લોકોને સિંગલ ડોઝ અપાઇ ચૂક્યો છે. ગુજરાતમાં 7 મહિનામાં 4.91 કરોડ લોકોને વેક્સિન અપાઇ ચૂકી છે. કુલ વસતિના પ્રમાણમાં અત્યાર સુધી થયેલા રસીકરણમાં ગુજરાત દેશનાં અન્ય રાજ્યો કરતાં સૌથી આગળ છે.
ગુજરાતમાં 76 ટકા લોકોને અપાયો સિંગલ ડોઝ
ગુજરાતમાં રસી મેળવવાને લાયક કુલ વસતિના 76 ટકા લોકો સિંગલ ડોઝ મેળવી ચૂક્યા છે. રાજ્યમાં 27 ટકા વસતિએ બન્ને ડોઝ મેળવી લીધા છે. જ્યારે ગુજરાત પછી બીજા ક્રમે કેરળનો આવે છે, જ્યાં કુલ વસતિના 73ને સિંગલ તો 27 ટકાને બન્ને ડોઝ મળ્યા છે.
7 મહિનામાં 4.91 કરોડ લોકોને વેક્સિન મળી
દેશનાં વિવિધ રાજ્યોમાં સરકારી હોસ્પિટલની તુલનામાં ખાનગી હોસ્પિટલોમાં ઓછું વેક્સિનેશન થયું છે. ખાનગી હોસ્પિટલો માટે દેશમાં બનેલી વેક્સિનનો 25 ટકા ક્વોટા નિર્ધારિત કરાયો છે, પણ એવાં ઘણાં રાજ્યો છે, જ્યાં ખાનગી હોસ્પિટલોમાં 2 ટકાથી પણ ઓછા લોકોએ વેક્સિન લીધી છે.
અન્ય રાજ્યોની સરખામણીએ ગુજરાત પ્રથમ ક્રમે
અન્ય રાજ્યો કરતાં મહારાષ્ટ્રમાં ખાનગી હોસ્પિટલોમાં સૌથી વધુ 14 ટકા વેક્સિનેશન થયું છે. જ્યારે ઝારખંડમાં સૌથી ઓછું 1.6 ટકા રસીકરણ થયું છે. રાજસ્થાનમાં શહેરોની તુલનામાં ગ્રામીણ વિસ્તારોમાં સૌથી વધુ 87.9 ટકા રસીકરણ થયું છે. ગુજરાતમાં ગ્રામીણ વિસ્તારમાં 32.6 ટકા તો શહેરોમાં 67.4 ટકા રસીકરણ થયું છે.