રાજ્યભરમાં હજુ 36 કલાક ભારે વરસાદની આગાહી કરવામાં આવી છે. ત્યારે સૌરાષ્ટ્રના જિલ્લાઓમાં જળબંબાકાર થવાની શક્યતા છે. રાજકોટ, મોરબી, જામનગર અને દ્વારકામાં વરસાદ થશે. જેને લઈને જામનગરમાં આર્મીને અલર્ટ રહેવાના આદેશ અપાયા છે. તો NDRFની વધુ ટીમોને રાજકોટ માટે રવાના કરાઈ. જૂનાગઢ, પોરબંદરના વિસ્તારોમાં પણ વરસાદ થશે. તો કચ્છમાં પણ પવન સાથે વરસાદી માહોલ સર્જાશે. જ્યારે મધ્ય ગુજરાત અને ઉત્તર ગુજરાતના જિલ્લાઓમાં વરસાદ થવાની શક્યતા છે. દક્ષિણ ગુજરાતમાં પણ વરસાદી માહોલ યથાવત રહેશે. આમ, ભારે વરસાદને પગલે તમામ જિલ્લાઓનું તંત્ર અલર્ટ કરાયુ. જ્યારે અનેક જિલ્લાઓની શાળા કોલેજોમાં રજા જાહેર કરાઈ.