એક તરફ ગુજરાતમાં કોરોનાએ ચિંતા વધારી છે તો બીજી તરફ કમોસમી વરસાદની આગાહી કરવામાં આવી છે.
ગુજરાતમાં કમોસમી વરસાદની શકયતા
19 થી 23 માર્ચ 26, 27 માર્ચે પડી શકે છે વરસાદ
વેસ્ટર્ન ડિસ્ટર્બન્સ બની શકે છે જવાબદાર
હવામાન ખાતાના જણાવ્યા પ્રમાણે ગુજરાતમાં આગામી 19 થી 23 માર્ચ દરમિયાન કમોસમી વરસાદ પડવાની ભીતિ વ્યક્ત કરવામાં આવી તો 26 અને 27 માર્ચે પણ કમોસમી વરસાદની આગાહી કરવામાં આવી છે.
છેલ્લા કેટલાક સમયથી વેસ્ટર્ન ડિસ્ટર્બન્સ જોવા મળી રહ્યું છે. જેના કારણે વાદળછાયું વાતાવરણ પણ જોવા મળે છે. ત્યારે વેસ્ટર્ન ડિસ્ટર્બન્સના કારણે વાતાવરણમાં પલટો આવવાની આશંકા વ્યક્ત કરવામાં આવી છે.
ડબલ સીઝનનો અહેસાસ
ઉલ્લેખનીય છે કે, શિયાળો પૂર્ણ થઈ રહ્યો છે અને ઉનાળાની શરૂઆત થઇ રહી છે પરંતુ વહેલી સવારે અને મોડી રાતે વધુ પડતી ઠંડીનો અહેસાસ થાય છે અને બપોરના સમયે પંખા કે એસી કરવાની નોબત આવે છે. આમ રાજ્યમાં હાલ 2 સીઝનનો અહેસાસ થઇ રહ્યો છે.
થોડા દિવસ પહેલા દિલ્હીમાં બદલાયો હતો મોસમનો મીજાજ
ગળવારે મોડી રાતે દિલ્હી-એનસીઆરના હવામાનમાં વાવાઝોડા સાથે વરસાદ થયો હતો. આ દરમિયાન નોઇડા અને ગાઝિયાબાદમાં પણ ભારે પવન સાથે વરસાદ પડ્યો હતો. આપણે જાણાવી દઇએ કે છેલ્લા કેટલાક દિવસોથી અચાનક ગરમીમાં વધારો થયા બાદ આ વરસાદથી લોકોને રાહત મળશે.