રાજયમાં માવઠાની આગાહીના કારણે ખેડૂતો ચિંતામાં ગરકાવ થઈ ગયા છે.
રાજ્યમાં માવઠાની આગાહી
હવામાન વિભાગે કરી આગાહી
દક્ષિણ ગુજરાતમાં માવઠાની આગાહી
બે દિવસ રહેશે અસર
દક્ષિણ ગુજરાતમાં માવઠાની આગાહી
ગુજરાતના ખેડૂતો માટે માઠા સમાચાર આવ્યા છે. 18-19 ફેબ્રુઆરીએ દક્ષિણ ગુજરાતમાં વરસાદની હવામાન વિભાગે આગાહી કરી છે. ગુજરાતમાં ધીમે ધીમે હવે શિયાળાની ઋતુ વિદાય લઈ રહી છે ત્યારે કમોસમી વરસાદની આગાહી કરવામાં આવી છે. ઉત્તર કોંકણ અને વિદર્ભમાં સાઈક્લોનિક સર્કયુલેશન સર્જાયું છે જેની અસર ગુજરાતમાં જોવા મળશે. ગુજરાતના કેટલાક વિસ્તારો જેમકે અમદાવાદ અને વડોદરામાં પણ વરસાદ અને કેટલાક વિસ્તારોમાં 2 દિવસ સુધી એટલે કે આજે અને આવતીકાલે બેવડી ઋતુની આગાહી કરવામાં આવી છે.
આજે કમોસમી વરસાદની આગાહી
દક્ષિણ ગુજરાતમાં આજે કમોસમી વરસાદની આગાહી કરવામાં આવી છે. ડાંગ, નર્મદા, વલસાડ, તાપીમાં વરસાદ પડી શકે છે. વરસાદની આગાહીના કારણે ખેડૂતોની ચિંતામાં વધારો થયો છે. વરસાદની અસર મધ્ય ગુજરાત અને ઉત્તર ગુજરાતમાં પણ જોવા મળશે જેમાં બેવડી ઋતુનો અનુભવ થશે.
આ કારણે પડી શકે છે વરસાદ અને ફૂંકાશે પવન
અરબી સમુદ્ર તરફ ભેજવાળા પવન ફૂંકાતા હળવો વરસાદ વરસી શકે છે. ગુજરાતના વાતાવરણમાં પલટાની આગાહી હવામાન વિભાગ દ્વારા કરવામાં આવી છે. અરબી સમુદ્ર તરફ ભેજવાળા પવન ફૂંકાતા દક્ષિણ ગુજરાતમાં સામાન્ય વરસાદ પડી શકે છે. ઉત્તર કોંકણ અને વિદર્ભમાં સર્ક્યૂલેશન સર્જાતા 19 ફેબ્રુઆરીએ હળવો વરસાદ વરસી શકે છે. જેને લઇને ખેડૂતોની ચિંતામાં વધારો થયો છે.
આવું રહેશે વાતાવરણ
આગામી 2 દિવસમાં લઘુત્તમ તાપમાનમાં ફેરફાર થવાની સંભાવના નહીંવત છે. જોકે બાદમાં ત્રણ દિવસ દરમિયાન તાપમાનમાં 2થી 3 ડિગ્રી વધારો થઇ શકે છે. આ સાથે જ ડાંગ,તાપી,નર્મદામાં માવઠાની આગાહી પણ હવામાન વિભાગે કરી છે. આવનારા 2 દિવસમાં ગુજરાતના વલસાડ, તાપી, સાપુતારા, નર્મદા, ડાંગ, પંચમહાલ, દાહોદ, મહિસાગર અને મધ્ય ગુજરાતના વિસ્તારોમાં કમોસમી વરસાદ વરસી શકે છે. તો રાજ્યના અરવલ્લી, સાબરકાંઠા અને સૌરાષ્ટ્રમાં વાદળછાયું વાતાવરણ રહેવાની શક્યતા છે. આ તમામ જગ્યાએ ખેડૂતોની ચિંતા વઘી રહી છે.