અમદાવાદના એક અજીબ ઘટના ઘટી હતી. એક પતિએ તેની પત્નીને લીપલોક કરવાને બહાને જીભ કાપી નાંખી હતી અને ઉપરથી તેને ઘરમા પૂરીને નાસી ગયો હતો. ઘટનાને પગલે હાલ તો સૌમાં કૌતુક જાગ્યુ છે કે પતિએ આવુ શું કામ કર્યુ?
પતિએ પત્નીની છરીથી કાપી જીભ
જીભ કાપીને પતિ દરવાજો બંધ કરીને ફરાર
પત્નીએ બહેનને વીડિયોકોલ કરી ઘટના અંગે કરી જાણ
વેજલપુરમાં પતિએ તીક્ષ્ણ છરીથી પત્નીની જીભ કાપી નાંખી છે. પોલીસને આ કિસ્સાની જાણ થતા પોલીસ પણ અચરજમાં મુકાઈ હતી કે પતિ આવું શું કામ કર્યુ. પોલીસે હાલ તો પતિ સામે ગુનો નોંધીને તપાસ હાથ ધરી છે પરંતુ એક પતિ પોતાની જ પત્નીની જીભ કે કાપી નાંખી તે અંગે પ્રશ્નો થઈ રહ્યા છે. હજુય એક પુરૂષ સ્ત્રીને કોઈ વાતે હરાવી નથી શકતો ત્યારે આવા કામ કરીને નાસી જાય છે.
શું છે ઘટના?
જુહાપુરા વિસ્તારમાં મહેરાજ સોસાયટીમાં રહેતી અને પાલડીમાં નર્સ તરીકે કામ કરતી શબાનાએ સરફરાઝ સાથે બીજા લગ્ન કર્યા હતા. લગ્નના બે ત્રણ મહિનામાં જ પતિ-પત્ની વચ્ચે નાની નાની વાતમાં ઝઘડા શરૂ થઈ ગયા હતા. સરફારેઝે કામધંધો છોડી દીધો હતો અને શબાનાને શારીરિક અને માનસિક પ્રતાડના આપવાનું પણ શરૂ કરી દીધુ હતુ. ગઈ કાલે મોડી રાતે સરફરાઝે શબાના સાથે લીપ કિસ કરવાનું બહાનુ કરીને તેની જીભ કાપી નાંખી હતી.
કેવી રીતે પોલીસને થઈ જાણ
જીભ કાપી પતિ દરવાજો બંધ કરી ફરાર થઈ ગયો હતો. પત્નીએ હિંમત કરીને પોતાની બહેનને વીડિયો કોલ કરી અને ઘટના અંગેની જાણ કરી હતી. તુંરત જ પોલીસને પણ આ અંગે જાણ કરાઈ હતી. હાલ આ મહિલા સારવાર હેઠળ છે.
પોલીસે પતિ સામે ગુનો નોંધ્યો
જેની જીભ કાપી નાંખવામાં આવી છે તે મહિલા ખાનગી ગાયનેક હોસ્પિટલમાં નર્સ તરીકે કામ કરે છે. વેજલપુર પોલીસે હાલ તો આ અંગે પતિ સામે ગુનો નોંધીને તપાસ હાથ ધરી છે. હાલ તો પતિએ આવુ કૃત્ય કેમ કર્યુ તે અંગે પોલીસ પણ અજાણ છે પરંતુ પતિની ધરપકડ બાદ આ રાજ ખુલી શકે છે.