કોલ્ડવેવ / હવામાન વિભાગની આગાહીઃ ગુજરાતમાં આગામી 72 કલાક હાડ થીજવતી ઠંડી પડશે

• રાજ્યમાં ઠંડીનો ચમકારો અનુભવાયો
• ઉત્તર ગુજરાતનું તાપમાન 8 ડિગ્રી કરતા નીચે નોંધાયું
• નલિયામાં લઘુત્તમ તાપમાન 4 ડિગ્રીથી નીચે નોંધાયું

ઉત્તર ભારત તરફતી ફૂંકાતા ઠંડા પવનના કારણે રાજ્યમાં ઠંડીનો ચમકારો જોવા મળી રહ્યો છે. રાજ્યમાં સતત બીજા દિવસે અનેક શહેરોમાં સરેરાશ લઘુત્તમ તાપમાન નીચે નોંધાયું છે. જ્યારે સૌથી ઓછુ તાપમાન નલિયા ખાતે 4 ડિગ્રી નોંધાયું છે. 
 

બીજી તરફ હવામાન વિભાગ દ્વારા રાજ્યમાં આગામી 72 કલાક હાડ થીજવતી ઠંડી પડવાની સંભાવના વ્યક્ત કરવામાં આવી રહી છે. અરબી સમુદ્રમાં લો પ્રેશર સક્રિય થતાં આગામી 48 કલાક રાજ્યના તાપમાનમાં ઘટાડો જોવા મળી શકે છે. 

 

ઉત્તર ભારતમાં પડેલી હિમવર્ષના પગલે રાજ્યમાં આગામી 72 કલાક સુધી હાડ થીજવતી ઠંડી પડવાની શક્યતા છે. આમ રાજ્યમાં કાતિલ ઠંડીનો ચમકારો જોવા મળી શકે છે. 

અરવલ્લીમાં ઠંડીનો ચમકારો જોવા મળ્યો. જેને લઇને ખેતરોમાં ધુમ્મસની ચાદર છવાઇ ગયેલી જોવા મળી. અરવલ્લી જિલ્લામાં 9 ડિગ્રીએ લઘુત્તમ તાપમાન જોવા મળ્યું. 

ગુજરાતમાં ક્યાં કેટલી ઠંડી?

• નલિયામાં 4 ડિગ્રી તાપમાન
• ડીસામાં 8 ડિગ્રી, ઈડરમાં 9 ડિગ્રી
• પાટણમાં પણ 8 ડિગ્રી તાપમાન
• રાજકોટમાં 8 ડિગ્રી તાપમાન
• અમદાવાદમાં 9 ડિગ્રી તાપમાન
• ગાંધીનગરમાં 11 ડિગ્રી તાપમાન
• જૂનાગઢમાં 11 ડિગ્રી તાપમાન
• ભુજમાં 11 ડિગ્રી તાપમાન
• અમરેલીમાં 12 ડિગ્રી તાપમાન નોંધાયુ
• વડોદરામાં 14 ડિગ્રી તાપમાન નંધાયું

જો કે ઉત્તર ભારતના ઉતરાખંડના મસૂરીમાં સિઝનની પ્રથમ હિમવર્ષા જોવા મળી હતી. આમ નવા વર્ષમાં પહાડો પર ફરવા જતા સહેલાણીઓ માટે સારા સમાચાર સામે આવ્યાં હતા. મસૂરીના લાલટિબ્બા, માલરોડ સહિતના વિસ્તારોમાં હિમવર્ષા પડી છે. 

જ્યારે બીજી તરફ કાશ્મીર, ઉતરાખંડ અને હિમાચલ પ્રદેશમાં હિમવર્ષાને લઇને આગાહી કરવામાં આવી છે. સ્થાનિક તંત્રએ સલેહાણીઓને અલર્ટ રહેવા પણ સુચના આપી છે. હિવર્ષના પગલે ભૂસ્ખલન થવાની પણ શક્યતાઓ વ્યક્ત કરવામાં આવી છે. 

જમ્મૂ-કાશ્મીરમાં વૈષ્ણોદેવીમાં પણ સિઝનની પ્રથમ હિમવર્ષા થઈ છે. આમ હિમવર્ષાને પગલે શ્રદ્ધાળુઓમાં ખુશીની લહેર છવાઈ ગઈ છે.