ગુજરાતમાં સૌરાષ્ટ્ર અને દ.ગુજરાતમાં મેઘો ધમાકેદાર બેટિંગ કરી રહ્યો છે. ત્યારે છોટાઉદેપુરના બોડેલી બાદ હવે 21.5 ઈંચ વરસાદથી ડેડિયાપાડા પાણી-પાણી થઇ ગયું છે.
રાજ્યમાં છેલ્લા 24 કલાકમાં 245 તાલુકાઓમાં વરસાદ વરસ્યો
સૌથી વધુ 21.5 ઈંચ વરસાદ ડેડિયાપાડામાં ખાબક્યો
આજે સવારના 6થી 8 વાગ્યા સુધીમાં 74 તાલુકામાં વરસાદ વરસ્યો
સમગ્ર ગુજરાતમાં મેઘરાજાએ ભારે કહેર વર્તાવ્યો છે. ચારે બાજુ જળબંબાકારની સ્થિતિ જોવા મળી રહી છે. ત્યારે તમને જણાવી દઇએ કે, રાજ્યમાં છેલ્લા 24 કલાકમાં 245 તાલુકાઓમાં વરસાદે રમઝટ બોલાવી છે. જેમાં સૌથી વધુ 21.5 ઈંચ વરસાદ ડેડિયાપાડામાં ખાબક્યો છે.
રાજ્યમાં સવારના 6થી 8 વાગ્યા સુધીમાં 74 તાલુકામાં વરસાદ વરસ્યો
વધુમાં તમને જણાવી દઇએ કે, રાજ્યમાં આજ સવારના 6થી 8 વાગ્યા સુધી 74 તાલુકામાં વરસાદ મન મૂકીને વરસ્યો છે. જેમાં સૌથી વધુ કચ્છના અંજારમાં 2.5 ઈંચ વરસાદ નોંધાયો છે.
બીજી બાજુ ડોલવણ અને રાજકોટમાં પણ 2.5 ઈંચ વરસાદ ખાબક્યો છે. તો નખત્રાણા અને ઉમરાળામાં 1.5 ઈંચ વરસાદ વરસ્યો. જ્યારે મોરબી, વઘઈ, ડેડિયાપાડા અને કલાવડમાં 1-1 ઈંચ વરસાદ વરસ્યો છે.