હુકમ / કોરોના મામલે સરકારના જવાબથી હાઈકોર્ટ નારાજ, કહ્યું નિયમનું કડકપણે પાલન કરાવવું એ સરકારની જવાબદારી

• સરકારના જવાબથી હાઈકોર્ટ નારાજ
• યોગ્ય પગલા નહીં લેવાય તો સ્થિતિ બગડી શકે છે: હાઈકોર્ટ
• હાલનો સમય ખૂબ ગંભીર હોવાનો હાઈકોર્ટનો મત

કોરોના સામે લીધેલા પગલા અંગે ગુજરાત સરકારે હાઈકોર્ટમાં જવાબ રજૂ કર્યો હતો જેમાં સરકારના જવાબથી હાઈકોર્ટ નારાજ થઈ હતી અને કહ્યું હતુ કે, યોગ્ય પગલા નહીં લેવાય તો સ્થિતિ બગડી શકે છે. હાલનો સમય ખૂબ ગંભીર હોવાનો હાઈકોર્ટનો મત રજૂ થયો હતો. તુરત કાર્યવાહી કરશો તો બે અઠવાડિયામાં સ્થિતિ કંટ્રોલમાં આવશે. આ સમય કડક પગલા લેવાનો છે. સરકાર આવા પગલા લેવા અક્ષમ છે તેવું કહે તો એ વ્યાજબી નથી. નિયમનું કડકપણે પાલન કરાવવું એ સરકારની જવાબદારી છે. હાલ ઝડપી અને અસરકારક કામગીરીની જરૂર છે. 

ગુજરાત સરકારે આ અંગે બાંહેધરી આપી

પોલીસ દ્વારા માસ્ક મુદ્દે કડક કાર્યવાહી શરૂ કરાઇ. રાજ્યમાં કોરોનાની સ્થિતિમાં સુધારો છે. હોસ્પિટલમાં બેડ પણ ખાલી રહે છે. 3 દિવસથી રાજ્યમાં ઓક્સિજનની માંગ ઘટી છે. રેમેડેસિવિર ઇંજેક્શનની માંગ પણ ઘટી છે: સરકારના બીજા જવાબ બાદ હાઇકોર્ટે ટકોર કરી હતી કે, અમારા જૂના આદેશના અમલ અંગે યોગ્ય નિર્ણય લો. HCના આદેશ પર યોગ્ય એક્શન લો અને જવાબ આપો. કોરોના મામલે સરકારના જવાબથી નારાજ થયેલ હાઈકોર્ટેને ગુજરાત સરકારે આ અંગે બાંહેધરી આપી હતી. 

હાઇકોર્ટે શું કહ્યું?

• યોગ્ય પગલા નહીં લેવાય તો સ્થિતિ બગડી શકે છે
• હાલનો સમય ખૂબ ગંભીર છે, તુરંત કામગીરી કરો
• તાત્કાલિક પગલા ભરશો તો બે અઠવાડિયામાં સ્થિતિ કંટ્રોલમાં આવશે
• આ સમય કડક પગલા લેવાનો છે
• સરકાર આવા પગલા લેવા અક્ષમ છે તેવું કહીને છટકી ન શકે
• નિયમનું કડકપણે પાલન કરાવવું એ સરકારની જવાબદારી છે
• હાલ ઝડપી અને અસરકારક કામગીરીની જરૂર છે.

સળગતા સવાલ

• સરકાર કેમ અદાલતના નિર્દેશ બાદ જ જાગે છે?
• કેમ વારંવાર સરકાર સામે હાઇકોર્ટે આંખલાલ કરવી પડે છે?
• શું સરકાર પોતાની રીતે યોગ્ય પગલા ન લઈ શકે?
• સરકાર બે મોઢાવાળી વાત કેમ કરે છે?
• જનતા સામે સરકાર સ્થિતિ કંટ્રોલમાં હોવાનો દાવો કેમ કરે છે?
• હાઇકોર્ટમાં સરકારનું નિવેદન અને જાહેરમાં નિવેદન અલગ અગલ કેમ?
• હાઇકોર્ટમાં સરકારે જ જવાબ રજૂ કર્યો તેનાથી સરકારનો ભાંડો ફૂટ્યો?