ગાંધીનગર / ગુજરાત હાઈકોર્ટના પ્રથમ મહિલા ચીફ જસ્ટિસ સોનિયાબેન ગોકાણીને રાજ્યપાલે લેવડાવ્યા શપથ, CM પણ હતા હાજર

ગુજરાત હાઈકોર્ટની મુખ્ય ન્યાયાધીશ તરીકે પ્રથમ વખત મહિલાની નિમણૂંક કરવામાં આવી છે. ત્યારે આજે કુ.સોનિયાબેન ગોકાણીને શપથ વિધિ કાર્યક્રમ રાજભવન ખાતે યોજાયો હતો. રાજ્યપાલ આચાર્ય દેવવ્રત દ્વારા કુ.સોનિયાબેન ગોકાણીને હાઈકોર્ટના મુખ્ય ન્યાયાધીશ તરીકેના શપથ લેવડાવવામાં આવ્યા હતા. 
રાજભવનમાં આયોજિત શપથવિધિ સમારોહમાં મુખ્યમંત્રી ભૂપેન્દ્રભાઈ પટેલ, ગુજરાત વિધાનસભાના અધ્યક્ષ શંકરભાઈ ચૌધરી, ભારતની સર્વોચ્ચ અદાલતના નિવૃત્ત ન્યાયમૂર્તિ બેલાબેન ત્રિવેદી અને રાજ્યના કાયદા-ન્યાય મંત્રી ઋષિકેશભાઇ પટેલ ઉપસ્થિત રહ્યા હતા.
રાજ્યપાલઆચાર્ય દેવવ્રતજી અને મંચસ્થ મહાનુભાવોએ ઉચ્ચ ન્યાયાધિપતિ કુમારી સોનિયાબેન ગોકાણીને અભિનંદન પાઠવ્યા હતા. શપથવિધિનું સંચાલન રાજ્યપાલના અગ્ર સચિવ રાજેશ માંજુએ કર્યું હતું. શપથવિધિ સમારોહમાં રાજ્યના મંત્રીમંડળના સભ્યો, ગુજરાત હાઇકોર્ટના ન્યાયમૂર્તિઓ, વરિષ્ઠ અધિકારીઓ, મહાનુભાવો અને મહેમાનો ઉપસ્થિત રહ્યા હતા.

कुमारी सोनियाबेन गिरिधर गोकाणी को आज गुजरात उच्च न्यायालय के मुख्य न्यायाधिपति के पद की शपथ दिलवायी। समारोह में विधानसभा अध्यक्ष शंकरभाई चौधरी, सर्वोच्च न्यायालय की न्यायमूर्ति बेलाबेन त्रिवेदी, मुख्यमंत्री भुपेन्द्रभाई पटेल और कानून-न्याय मंत्री ऋषिकेश पटेल भी उपस्थित रहे। pic.twitter.com/6j9QehXdFC

— Acharya Devvrat (@ADevvrat) February 16, 2023

મૂળ જામનગરના વતની છે સોનિયાબેન ગોકાણી
ગુજરાત હાઈકોર્ટના મુખ્ય ન્યાયાધીશ તરીકે પ્રથમ મહિલા મુખ્ય ન્યાયાધીશ સોનિયાબેન ગોકાણી મૂળ જામનગરના વતની છે.  તેઓ ગુજરાત હાઈકોર્ટમાં અનેક સીમા ચિન્હરૂપ ચૂકાદાઓ આપીને ચર્ચામાં રહ્યા છે.