હાઈકોર્ટે શિક્ષણ મુદ્દે સરકાર સામે બાયો ચડાવી,"ગેરલાયક શિક્ષક બાળકોને ભણાવવા ન જવો જોઈએ",ધોરણ 1થી 5 શિક્ષક ધો,6થી 8ના બાળકોને કેવી રીતે ભણાવી શકે?
શિક્ષકોની ઘટને લઇ સરકરને હાઇકોર્ટની ટકોર
શિક્ષકો ન મળતા હોય તો નવી ભરતી કરો-HC
ગેરલાયક શિક્ષકોને બાળકોના અભ્યાસ માટે ન મોકલો-HC
ગુજરાત સરકારની શિક્ષણ બાબતે મોટી મોટી ગુલબાંગો વચ્ચે હાઈકોર્ટે ઉધડો લીધો
કોણે કરી અરજી, સરકાર અને શાળાઓનું શું કહેવું છે?
લાયકાત વગરના શિક્ષકો શિક્ષણ આપી રહ્યા હોવાની અરાજદારે કરેલી અરજી બાદ આજે હાઈકોર્ટમાં તે અંગેની સુનાવણી હાથ ધરાઇ હતી જેમાં અરજદારે સરકાર દ્વારા આ માટે મંજૂરી અપાતી હોવાના દાવો કર્યો હતો. સામે મદદનીશ સરકારી વકીલે સરકારનો પક્ષ મૂક્યો હતો.જ્યારે ગણપતભાઇ નાનજીભાઇ દભાણી તરફથી એડવોકેટ ગૌરવ ચુડાસમાએ હાઇકોર્ટમાં આ રજૂઆત કરી છે. સામે સ્કૂલો તરફથી એવો બચાવ કરાયો હતો કે, સરકારી ઠરાવને આધારે નિર્ણય લેવામાં આવ્યો છે.
ધો.1થી 5ના શિક્ષકો કઈ રીતે ધો.6થી 8માં ભણાવી શકે?
હાઇકોર્ટે સરકારને કડક શબ્દોમાં ટકોર કરી છે કે ધોરણ 1 થી 5માં ભણાવતા શિક્ષકો ધો.6 થી 8માં ભણાવી શકે નહી. ગુજરાત હાઇકોર્ટ સમક્ષ આવેલા કેસમાં જસ્ટિસ એ.એસ સુપૈયાએ આ આદેશ કર્યો છે. અને કોર્ટે શિક્ષણના સ્તરને સુધારવા સરકારને મહત્વના સૂચક નિવેદન કર્યા છે અને અવલોકન કર્યું છે કે સરકાર બાળકોના શિક્ષણને જોખમમાં મુકી રહી હોય તેવુ દેખાઈ આવે છે. 1 થી 5માં ભણાવતા શિક્ષકો 6 થી 8 ધોરણ માટે ગેરલાયક હોય છે તેથી તેમને ઉચ્ચ ધોરણોમાં ભણાવવાની મંજૂરી આપી શકાય નહી.
ચાલુ કોર્ટે પ્રાઇમરી એજયુકેશન ડિરેકટર ફોન કર્યો
હાઇકોર્ટે લાયકાત વગરના શિક્ષકના ભણાવવા મુદ્દે એટલી ગંભીરતાથી કામ કર્યું કે ચાલુ સુનાવણી દરમ્યાન કોર્ટે સરકારને પ્રાઇમરી એજ્યુકેશન ડિરેકટરને ફોન કરવા આદેશ કર્યો હતો. કોર્ટે મદદનીશ સરકારી વકીલને એવી કહ્યું કે ડિરેકટરને ફોન કરીને કહો કે શિક્ષકો ન મળતા હોય તો નવા ભરતી કરે. ગેરલાયક શિક્ષકોને બાળકોને ભણાવવા કેવી રીતે જવા દેવાય? લાયક શિક્ષકોને ભરતી કેમ કરવામાં આવતી નથી?આરટીઆઇનો કાયદો પણ આવી રીતે આપતા શિક્ષણને મંજૂરી આપતો નથી, તંત્ર કાયદાનો ભંગ કરી રહ્યું છે. સમગ્ર મુદ્દે કોર્ટે ડિરેકટર ઓફ પ્રાઇમરી એજયુકેશન ઓફિસરને નોટિસ ફટકારીને આગામી મુદતે જવાબ રજૂ કરવા આદેશ કર્યો છે તેમજ ડિરેકટરની સામે કાયદેસરના પગલા લેવા હાઇકોર્ટએ ચીમકી આપી છે.
હાઈકોર્ટે સરકારને શું ટકોર કરી?
'ધોરણ 1થી5નો શિક્ષક, ધોરણ 6 થી8 ના બાળકોને કઇ રીતે ભણાવી શકે'
'શિક્ષકો ન મળતા હોય તો નવી ભરતી કરો'
'લાયક શિક્ષકોની ભરતી કેમ નથી કરતા'
'એક દિવસ પણ ગેરલાયક શિક્ષક ભણાવવા ન જવો જોઈએ'
'પ્રથમદર્શી સરકાર બાળકોના શિક્ષણને જોખમમાં મૂકી રહી છે'
'આ રીતે અભ્યાસ કરાવવા મંજુરી આપી ન શકાય'
'તમે કાયદાનો ભંગ કરી રહ્યા છો'
'પ્રાઇમરી એજ્યુકેશન ઓફિસરને નોટીસ પાઠવી જવાબ આપવા આદેશ'
'પ્રાઇમરી એજ્યુકેશન ડિરેકટર સામે કાયદેસર પગલાં લેવાની ચીમકી'