હાઈકોર્ટ બાર એસોસિયેશનના પ્રમુખ યતિન ઓઝાને અલગ પ્રકારની સજા કરવામાં આવી છે. ગુજરાત હાઈકોર્ટે યતિન ઓઝાને 60 દિવસ સુધી હાઈકોર્ટમાં બેસવાની સજા સંભળાવી છે. મહત્વનું છે કે, યતિન ઓઝાએ હાઈકોર્ટમાં ભ્રષ્ટાચારનો દાવો કર્યો હતો.
યતિન ઓઝાને અલગ પ્રકારની સજા
60 દિવસ સુધી કોર્ટમાં રોજ હાજર રહેવા હુકમ
યતિન ઓઝાએ હાઇકોર્ટમાં ભ્રષ્ટાચારનો કર્યો હતો દાવો
યતિન ઓઝાએ હાઈકોર્ટ વિરુદ્ધ કરેલી ટિપ્પણીનો મામલે કોર્ટ દ્વારા સજા સંભળાવવામાં આવી છે. ગુજરાત હાઈકોર્ટે ફટકારી અલગ જ સજા ફટકારી છે. હાઈકોર્ટે યતિન ઓઝાને રોજ તમામ સુનાવણી પૂર્ણ થાય ત્યાં સુધી આવવા કહ્યું છે. સતત 60 દિવસ સુધી તમામ સુનાવણીઓમાં હાજર રહેવા આદેશ આપવામાં આવ્યા છે. કોર્ટમાં બેસીને કયાં ભ્રષ્ટાચાર થઈ રહ્યો છે એ જોવાની તક આપી છે. સજાની સાથે હાઈકોર્ટે યતિન ઓઝાને 2 હજારનો દંડ ફટકાર્યો છે.
શું છે સમગ્ર મામલો?
થોડા દિવસ અગાઉ યતીન ઓઝાએ ગુજરાત હાઇકોર્ટ અને જજ માટે ટીપ્પણી કરી હતી અને હાઈકોર્ટની કામગીરી સામે સવાલ ઉઠાવ્યા હતા. હાઇકોર્ટે કોર્ટના તિરસ્કારની પ્રવૃત્તિ બદલ ગુજરાત હાઇકોર્ટ બાર એસોસિએશનના પ્રમુખ યતિન ઓઝાનો સિનિયર કાઉન્સેલનો હોદ્દો પાછો લઈ લીધો. મહત્વનું છે કે, અગાઉ ગુજરાત હાઇકોર્ટ વકીલ એસોસિએશનના પ્રમુખ પદેથી યતિન ઓઝાએ રાજીનામું આપી દીધું હતું.
મહત્વનું છે કે, ઓઝા સામે સુઓ મોટો ક્રિમિનલ કન્ટેમ્પ્ટની કાર્યવાહી હાથ ધરવામાં આવી હતી. યતીન ઓઝાને કોર્ટના ગુનાહિત તિરસ્કાર માટે દોષી સાબિત કરવામાં આવ્યા હતા. બાર કાઉન્સિલના પૂર્વ પ્રમુખ સામે હાઈકોર્ટે કડક વલણ અપનાવ્યું હતું.
યતિન ઓઝાએ ફેસબુક લાઇવમાં હાઇકોર્ટના વહીવટી વિભાગ પર આક્ષેપો કર્યા હતા
ગુજરાત હાઇકોર્ટ એડ્વોકેટ્સ એસોસિએશનના પૂર્વ પ્રમુખ યતિન ઓઝાએ ફેસબુક પર લાઈવ પત્રકાર પરિષદ યોજી હતી. જેમાં તેમણે હાઇકોર્ટના ચીફ જસ્ટિસને પત્ર લખીને આક્ષેપ કર્યા હતા કે લૉકડાઉનના સમયગાળા દરમિયાન પૈસાદાર લોકો અને નાણાંકીય રીતે સક્ષમ વકીલોની અરજીઓ ત્રણ જ દિવસમાં સર્ક્યુલેટ થઈ ઓર્ડર થઈ જાય છે. બીજી તરફ નાના વકીલોની અરજીઓ દિવસો સુધી ફાઈલ થતી નથી અને લિસ્ટ પણ થતી નથી. હાઈકોર્ટ જુગારનો અડ્ડો બની ગઈ છે. જેમ કરોડપતિઓ જુગાર રમે તો કંઈ આંચ નથી આવતી અને ગરીબ વ્યક્તિ પાંચ રૂપિયાનો ય જુગાર રમે તો પોલીસ પકડી જાય છે.