ભરતી / ગુજરાત હાઇકોર્ટમાં કરિયર બનાવવાની ઉત્તમ તક, કુલ 219 જગ્યાઓ પર ભરતી પ્રક્રિયા શરુ

• ગુજરાત હાઇકોર્ટમાં સિવિલ જજની ભરતી
• 219 પદ માટે ભરતી બહાર પાડવામાં આવી
• 2 માર્ચ સુધી અરજી કરી શકાશે 

ગુજરાત હાઇકોર્ટમાં સિવિલ જજની ભરતી પડી છે.  ગુજરાત હાઇકોર્ટે સિવિલ જજની ભરતી માટે લાયક ઉમેદવારો પાસે અરજીઓ મંગાવી છે. કુલ 219 જગ્યાઓ પર ભરતી કરવામાં આવશે જે માટે લાયક ઉમેદવારે ગુજરાત હાઇકોર્ટની સત્તાવાર વેબસાઇટ પરથી ઓનલાઇન ફોર્મ ભરવાનું રહેશે.ગુજરાત હાઇકોર્ટની સત્તાવાર વેબસાઇટ - hc-ojas.gujarat.gov.in.પર એપ્લાય કરવાનું રહેશે.

અરજી કરવાની છેલ્લી તારીખ 2 માર્ચ

આ જગ્યાઓ માટે અરજી કરવાની પ્રક્રિયા 03 ફેબ્રુઆરીથી ચાલી રહી છે.  જો કે લાયકાત ધરાવનાર ઉમેદવાર  02 માર્ચ 2022 સુધી એપ્લાય કરી શકશે. 
આ માટે ઓનલાઇન રજિસ્ટ્રેશન કરવાનું રહેશે,

કોણ અરજી કરી શકે છે ? 

આ પોસ્ટ્સ માટેની શૈક્ષણિક લાયકાત જાણવા માટે, તમે સત્તાવાર વેબસાઇટ પર આપેલી સૂચના જોઈ શકો છો.  35 વર્ષ સુધીના ઉમેદવારો ગુજરાત હાઈકોર્ટના સિવિલ જજના પદ માટે અરજી કરી શકે છે.

અરજી ફી કેટલી ? 

આ જગ્યાઓ માટે અરજી કરવાની ફી 1000 રૂપિયા રાખવામાં આવી છે. આ જનરલ કેટેગરીના  ઉમેદવારો માટે છે. બીજી તરફ, SC, ST, ફિઝિકલ હેન્ડીકેપ અને  ભૂતપૂર્વ સૈનિક વર્ગના ઉમેદવારોએ અરજી કરવા માટે 500 રૂપિયાની અરજી ફી ચૂકવવી પડશે.

કેવી રીતે થશે પસંદગી

ગુજરાત હાઈકોર્ટની આ જગ્યાઓ માટે ઉમેદવારોની પસંદગી લેખિત પરીક્ષા અને Viva-Voce દ્વારા કરવામાં આવશે. પ્રિલિમનરી 
પરીક્ષાની સૂચક તારીખ 15 મે 2022 છે. જ્યારે  મુખ્ય પરીક્ષા 17 મી જુલાઈ 2022 ના રોજ લેવામાં આવશે.