આદેશ / GPSCએ લીધેલી PSI મોડ-2ની પરીક્ષાને લઇને ગુજરાત હાઈકોર્ટનો મહત્વનો નિર્ણય, સરકારને ઝટકો

• પેપર ફરી તપાસવા ગુજરાત હાઈકોર્ટનો આદેશ
• બંને પક્ષોને સાંભળ્યા બાદ હાઈકોર્ટનો આદેશ
• 2017માં લેવાઈ હતી PSI મોડ-2ની લેખિત પરીક્ષા

હાઈકોર્ટે પક્ષકારોને સાંભળ્યા બાદ એવો હુકમ કર્યો છે કે આ પરીક્ષા આપનાર તમામ પરીક્ષાર્થીઓના પેપરને ફરી તપાસવામાં આવે. ગુજરાત PSI ઇચ્છુક ઉમેદવારોમાં આ બાબતે વિવાદ ઉભો થયો હતો. 

અરજદારનો આક્ષેપ છે કે, PSI મોડ-2ની લેખિત પરીક્ષામાં GPSCએ અંગ્રેજી અને ગુજરાતીમાં છપાયેલ સૂચનાનું પાલન કરનારા ઉમેદવારોને ઓછા ગુણ અને સુચનાનું પાલન ન કરનારાઓને વધુ ગુણ આપ્યા હતા. જેથી સૂચનાનું પાલન ન કરવા છતાં તેઓ મેરિટમાં પહોંચી ગયા છે. આ મુદ્દે હાઇકોર્ટે બન્ને પક્ષોને સાંભળી ફરી પેપર તપાસવાનો આદેશ આપ્યો છે.

ઉલ્લેખનીય છે કે, 2015માં 400 કરતાં વધારે PSIની ભરતી માટે જાહેરાત અપાઈ હતી. 2017માં ફિઝિકલ ટેસ્ટ બાદ જુલાઇ 2017માં લેખિત પરીક્ષા લેવાઈ હતી.