કડક કાર્યવાહી / હાઈકોર્ટનો આદેશ : માસ્ક ન પહેરે તેને કરો આ સજા, સરકાર બહાર પાડી શકે જાહેરનામું

• માસ્ક ન પહેરનારા લોકો સામે હવે થશે કડક કાર્યવાહી
• માસ્ક ન પહેરનારને ફરજિયાત કોવિડ સેન્ટરમાં કામ કરાવો
• હાઈકોર્ટે સરકારને જાહેરનામું બહાર પાડવા આદેશ કર્યો

માસ્કનો નિયમ ભંગ કરનારને કોવિડ સેન્ટરમાં કરવું પડશે કામ

માસ્ક નહીં પહેરનારને 5થી 10 દિવસ સુધી કોવિડ સેન્ટરમાં કામ કરવું પડશે. માસ્ક નહીં પહેરનારા લોકો સામે જાહેરનામું બહાર પાડવા હાઇકોર્ટે સરકારને આદેશ આપ્યો છે. જેમાં માસ્ક નહીં પહેરવાના નિયમનો ભંગ કરનારને રોજના 4થી 6 કલાક સફાઇ, ભોજપ, હાઉસ કિપિંગનું કામ કરવું પડશે. સરકાર મહિલા-પુરુષની વયના આધારે કામગીરીનો પ્રકાર નક્કી કરે.

હાઈકોર્ટના નિર્ણયને સુરતવાસીઓએ આવકાર્યો

ગુજરાતમાં માસ્ક ન પહેરનારને કોવિડ સેન્ટરમાં કામ કરવાનો હાઇકોર્ટે આદેશ આપ્યો છે. હાઇકોર્ટના આ નિર્ણયને સુરતવાસીઓએ આવકાર્યો છે. માસ્ક ન પહેરનાર સામે કડક કાર્યવાહીની તરફેણ કરવામાં આવી છે. 

રાજ્યમાં વધતા કોરોના સંક્રમણના પગલે હાઇકોર્ટે માસ્ક ન પહેરનારા લોકો સામે કડક કાર્યવાહી કરવા આદેશ કર્યો છે. હાઇકોર્ટે રાજ્ય સરકારને જાહેરનામું બહાર પાડવા આદેશ આપ્યો છે. 

હાઇકોર્ટે માસ્ક પહેર્યા વગર ફરતા લોકો સામે લાલ આંખ કરતાં કહ્યું છેકે તેઓ ફરજિયાત કોવિડ સેન્ટરમાં કામ કરાવો. આમ હાઇકોર્ટે રાજ્ય સરકારને જે લોકોએ માસ્ક ન પહેર્યું હોય તેવાને કોવિડ સેન્ટરમાં કામ કરવું પડશે તેવું જાહેરનામું બહાર પાડવાનો આદેશ કર્યો છે.