અમદાવાદમાં ડોમિસાઇલ મુદ્દે ગુજરાત હાઇકોર્ટમાં અરજી કરતાં CISFના જવાને ધો.12 પછી MBBSમાં પુત્રને એડમિશન આપવા અરજી. ડિફેન્સ ક્ષેત્રમાં સમયાંતરે બદલી થતી રહેતી હોવાથી માંગી દાદ
ડોમિસાઇલ મુદ્દે ગુજરાત હાઇકોર્ટમાં અરજી
CISF જવાને MBBSમાં એડમીશન માટે કરી અરજી
પુત્રનો જન્મ ગુજરાતમાં થયો હોવાથી એડમીશનની માંગ
અમદાવાદમાં ડોમિસાઇલ મુદ્દે ગુજરાત હાઇકોર્ટમાં અરજી કરતાં CISFના જવાને ધો.12 પછી MBBSમાં પુત્રને એડમિશન આપવા અરજી કરી છે. ગુજરાત હાઈકોર્ટમાં અરજી કરતા
ડિફેન્સ ક્ષેત્રને લીધે સમયાંતરે બદલી થતી રહેતી હોવાથી રાજ્યની મેડિકલ કોલેજોમાં પુત્રને એડમિશન પુત્રને અપાવવા દાદ માંગી છે. પુત્રનો જન્મ ગુજરાતમાં થયો હોવાથી CISFએ મેડિકલમાં પ્રવેશ આપવા માંગ કરાઈ છે. રાજયના સ્ટુડન્ટસ માટે મેડિકલ સ્ટેટ ક્વોટામાં 85%પ્રવેશ ફરજીયાત કરાયો છે.
ડિસેમ્બર 2018 માં ગુજરાત હાઇકોર્ટે ડોમિસાઇલ મુદ્દે ચુકાદો આપતા અવલોકન કર્યું હતું કે સગીર બાળકનું ડોમિસાઈલ તેના માતા-પિતાના ડોમિસાઈલ પરથી નક્કી થાય છે અને બાળકના માતા-પિતા દસ વર્ષથી ગુજરાતમાં સ્થાયી થયા હોય અને ગુજરાતમાં જ રહેવાનો સ્પષ્ટ ઇરાદો દેખાતો હોય તો તેમનું ડોમિસાઈલ ગુજરાતનું ગણી શકાય. સાથે જ પોતાનું મૂળ વતન છોડી અને વર્ષોથી ગુજરાતમાં સ્થાયી થયેલા હજારો પરિવારોના ડોમિસાઈલ બાબતનો હાઇકોર્ટનો આ ચુકાદો ઘણો મહત્વનો બની રહ્યો હતો
મેડિકલમાં પ્રવેશ માટે ડોમિસાઇલનો નિયમ લાગુ કરાયો છે. આ નિયમ પ્રમાણે છેલ્લા 10 અથવા તો તેના કરતાં વધુ વર્ષથી ગુજરાતમાં વસવાટ કરતાં હોય તેમના સંતાનો જ મેડિકલમાં પ્રવેશ માટે લાયક થઇ શકશે. અગાઉ, માત્ર ધોરણ 10 અને 12 ગુજરાતમાંથી પાસ કર્યું હોય તેમને પ્રવેશ આપવાનો નિયમ હતો. જે બદલીને નવો નિયમ લાગુ કરાયો છે.