મોટો આદેશ / ભરણપોષણના કેસ મામલે ગુજરાત હાઈકોર્ટ એકશનમાં, દુબઈમાં રહેતા પતિને પણ કસ્ટડીમાં લેવા આપ્યા આદેશ

• ભરણપોષણ કેસ મામલે ગુજરાત હાઈકોર્ટ એકશનમાં 
• દુબઈમાં રહેતા પતિને કસ્ટડીમાં લેવા આપ્યા આદેશ 
• દુબઈમાં ઈન્ડિયન એમ્બસીને પતિને કસ્ટડીમાં લેવા આપ્યા આદેશ 

ગુજરાત હાઈકોર્ટ દ્વારા ભરણપોષણના કેસ મામલે મહત્વનો નિર્દેશ આપવામાં આવ્યો છે. આ કેસમાં ખરેખર પતિએ કોર્ટના આદેશનો તિરસ્કાર કર્યો હતો જેથી તેની સામે આકરા પગલા લેવામાં આવ્યા છે. પતિ દુબઈમાં રહે છે તેમ છતા કોર્ટ દ્વારા તેની સામે આકરા પગલા લેવામાં આવ્યા અને મહત્વનો નિર્દેશ આપવામાં આવ્યો છે. 

ઈન્ડિયન એમ્બસીને નિર્દેશ કર્યો 

સાંભળીને આપને નવાઈ લાગશે કે દુબઈમાં રહેતા પતિને પણ કોર્ટ દ્વારા કસ્ટડીમાં લેવા માટે આદેશ આપવામાં આવ્યો છે. જેમા હાઈકોર્ટ દ્વારા ઈન્ડિયન એમ્બેસીને નિર્દેશ કરવામાં આવ્યો કે પતિને દુબઈથી કસ્ટડીમાં લેવામાં આવે. અત્યાર સુધીમાં કોર્ટ દ્વારા પહેલી વખત આવો નિર્દેશ આપવામાં આવ્યો છે. જેમા લોકો પણ કોર્ટના આ નિર્દેશના વખાણ કરી રહ્યા છે. 

25 હજાર ચૂકવવા આપ્યો હતો આદેશ 

પતિએ તેની પત્ની સાથે છૂટાછેડા લિધા હતા જેથી પત્નીને દર મહિને 25 હજાર ચૂકવવા આદેશ આપ્યો હતો પરંતુ પતિ તેની પત્નીને રૂપિયા ચૂકવી નહોતો રહ્યો જેથી આ મામલો હાઈકોર્ટ સુધી પહોચ્યો અને હાઈકોર્ટ દ્વારા હવે આ મામલે મહત્વના આદેશ આપવામાં આવ્યા છે. 

વર્ષ 2015માં ભરણપોષણનો આદેશ આપ્યો હતો 

ઉલ્લેખનીય છે કે કોર્ટ દ્વારા વર્ષ 2015માં પતિને ભરણપોષણ આપવા માટે આદેશ આપ્યો હતો. તેમ છતા પણ પતિ ભરણપોષ આપતો ન હતો. આ મામલે કોર્ટ દ્વરા અગાઉ પતિ સામે બિજ જામીનપાજ્ઞ વોરંટ પણ ઈશ્યું કરવામાં આવ્યો હતો. જોકે હવે હાઈકોર્ટે પતિને કસ્ટડીમાં લેવા આદેશ આપ્યો છે. જેમા કોર્ટ દ્વારા ઈન્ડિયન એમ્બસીને નિર્દેશ આપવામાં આવ્યો છે પતિને દુબઈથી કસ્ટડીમાં લેવા આદેશ આપ્યો છે.