દિવસેને દિવસે દૂષિત બનતી સાબરમતી નદી મામલે હાઇકોર્ટમાં સુનાવણી હાથ ધરવામાં આવી હતી. જેમાં સાબરમતી નદીમાં ગેરકાયદે કનેક્શનથી પ્રદૂષણ ઠાલવતા હોવાથી HCએ AMC ને ગેરકાયદેસર કનેક્સ કાપવા હુકમ કર્યો છે.
AMC, કોર્ટ મિત્ર, ટાસ્ક ફોર્સ સહિતના સાથે બેઠક કરવામાં આદેશ
અમદાવાદની મધ્યમાથી નીકળતી સાબરમતી નદીમાં ભયંકર પ્રદૂષણ ફેલાયું હોવાની રાવ ઉઠી રહી છે આ મામલે હાઈકોર્ટે ગંભીર નોંધ લીધી છે. જેમાં નદીમાં પ્રદૂષણ મામલે હાઈકોર્ટમાં સુનવણી હાથ ધરવામાં આવી હતી. જેમાં GPCBને કન્સર્ન ઓથોરિટીઓ સાથે બેઠક કરવા આદેશ કરાયો છે. વધુમાં AMC, કોર્ટ મિત્ર, ટાસ્ક ફોર્સ સહિતના સાથે આગામી સપ્તાહ સુધી બેઠક કરવા હાઈકોર્ટ દ્વારા આદેશ કરાયો છે.
ગેરકાયદે કનેક્શન વિરદ્ધ કાર્યવાહી કરવા હાઈકોર્ટનો આદેશ
અમદાવાદ શહેરના શાહીબાગ વિસ્તારમાં ડ્રેનેજનું પાણી સુએજથા સાબરમતીમાં ઠલવાતુ હોવાનો મુદ્દો ચર્ચાયો હતો. ગેરકાયદે કનેકશનને લઈને પ્રદુષણ થતું હોવાથી સુનવણી દરમિયાન હાઇકોર્ટે AMC ગેરકાયદેસર કનેક્શનો કાપવા પણ તાકીદ કરી છે. એટલું જ નહીં ગેરકાયદે કનેક્સનો કપાયા બાદ ફરી જોડાયા થયાની પણ અનેક ફરિયાદ ઉઠી રહી છે ત્યારે આવું કરનારા સામે કાર્યવાહી કરવામાંનું પણ સૂચન આપ્યું છે. વધુમાં આ મામલે આગામી દિવસોમાં વધુ સુનાવણી હાથ ધરાશે.
બે દિવસ અગાઉ સુનવણી હાથ ધરાઈ હતી
મહત્વનું છે કે અમદાવાદની સાબરમતી નદીના પ્રદુષણ મામલે હાઈકોર્ટે બે દિવસ અગાઉ સુઓમોટો દાખલ કરીને તંત્રની ઝાટકણી કાઢી હતી. આટલું પ્રદૂષણ અને દુષિત પાણી નહીં ચલાવી લેવાય તે અંગે સરકારે યોગ્ય કાર્યવાહી કરવી જોઈએ તેવી ટકોર કરી હતી. એક બાજુ સ્થાનિક તંત્ર દ્વારા પ્રદુષણ ઘટાડવા અંગે પગલા લેવામાં આવતા હોવાના દાવા કરવામાં આવી રહ્યા છે. બીજી બાજુ નદીમાં પ્રદુષણ વધતું હોવાથી હાઇકોર્ટે આકરું વલણ અપનાવ્યું છે.