ફટકાર / HCએ કહ્યું, ટેસ્ટિંગમાં ગુજરાત કેમ પાછળ? આ જિલ્લાની કોરોનાની સ્થિતિને લઇને સરકારનો ઉધડો લીધો

• ટેસ્ટિંગમાં ગુજરાત અન્ય રાજ્યો કરતા પાછળ કેમ?: હાઇકોર્ટ
• સરકાર નિષ્ણાંતોની સલાહ પ્રમાણે ટેસ્ટિંગ વધારેઃ હાઈકોર્ટ
• કોરોનાનું ટેસ્ટિંગ ઓછું થતો હોવાનો અરજીમાં કરાયો હતો દાવો 

અમદાવાદ મેડિકલ એસોસિયેશન(AMA) દ્વારા હાઇકોર્ટમાં કોરોના ટેસ્ટિંગ મામલે અરજી કરવામાં આવી હતી. આ અરજી મુદ્દે હાઇકોર્ટે સરકારને કેટલાક સવાલ કર્યો છે. હાઇકોર્ટે કહ્યું કે, કોરોના ટેસ્ટિંગની બાબતે ગુજરાત અન્ય રાજયો કરતા પાછળ કેમ? આ સાથે હાઇકોર્ટે સૂચન કર્યુ છે કે રાજ્ય સરકાર નિષ્ણાંતોની સલાહ પ્રમાણે ટેસ્ટીંગ વધારે.

મહત્વનું છે કે, AMA દ્વારા કરવામાં આવેલી અરજીમાં ગુજરાતમાં કોરોનાનું ટેસ્ટિંગ ઓછું થતું હોવાનો દાવો કરાયો હતો. આ સાથે સુરત શહેરમાં હાલમાં જે રીતે કોરોનાની સ્થિતી વકરી છે તેને જોતા કોર્ટે સરકારનો ઉધડો પણ લીધો છે.

સુરત શહેરમાં ટોસિલિઝૂમેબ ઇન્જેક્શન વિવાદ, સિવિલ હોસ્પિટલ અને સ્મીમેર તંત્રની બેદરકારીના આક્ષેપ કર્યો છે. બીજી તરફ મૃત્યુદરને લઇને પણ સુરત તંત્ર પર આક્ષેપો કરવામાં આવી રહ્યા છે.