ફાયર સેફટી એનઓસીને લઈ ગુજરાત હાઇકોર્ટ છેલા ઘણા સમયથી ટકોર કરી રહ્યું છે પરંતુ રાજ્ય માં અનેક એકમો ફાયર સેફટીને લઈ બેદરકારી દાખવી રહ્યા છે. ગુજરાતમાં ફાયરસેફ્ટીના મામલે ગુજરાત હાઇકોર્ટ રાજ્ય સરકારને કડક પગલાં લેવા માટે ટકોર કરી હતી અને શાળાઓ કે હોસ્પિટલ માં ફાયર સેફટી નો અમલ ન કરે તો તેની કામગીરી પર રોક લગાવવાનો પણ આદેશ કર્યો હતો એટલે કે હોસ્પિટલ સંચાલકો ઓપરેશન થિયેટર ફાયરસેફ્ટી વગર નહીં ચલાવી શકે તેવો આદેશ કર્યો હતો પણ સંતોષકારક કાર્યવાહી તંત્ર તરફથી ન કરવામાં આવતા હવે HCએ AMCને ફાયર સેફ્ટી મામલે વધુ કડક બનવા આદેશ કર્યા છે.
BU, ફાયર સેફટી મામલે ક્રિમિનલ પ્રોસિક્યુશન દાખલ કરો: HC
અમદાવાદમા ફાયર સેફ્ટી મામલે ગુજરાત હાઈકોર્ટએ મહત્વનો હુકમ આપતા કહ્યું છે કે ફાયર સેફટી વિનાની ઇમારતો સામે કડક કાર્યવાહી કરવામાં આવે, સ્કૂલોમાં ફાયર સેફટીનો અભાવ પણ નીતિવિષયક પગલાં લેવાતા નથી. સરકાર ફાયર સેફટી પર ગંભીર ન હોવાનું કોર્ટે નોંધ્યું છે ત્યારે BU, ફાયર સેફટી મામલે ક્રિમિનલ પ્રોસિક્યુશન દાખલ કરવા માટે કોર્ટે અમદવાદ મનપાને આદેશ કર્યો છે.ફાયર સેફટી અંગે વડોદરા, ભાવનગર, રાજકોટ, સુરતને પણ કોર્ટે ટકોર કરી છે. હોસ્પિટલ,સ્કૂલો ,ઇમારતોનો ફાયર સેફટી અંગેનો રિપોર્ટ HCએ માગ્યો છે.
કડક કાર્યવાહી ક્યારે થશે?
અમદાવાદમાં હાલમાં 41 સ્કૂલો પાસે NOC નથી. અગાઉ હાઇકોર્ટમાં સરકારે ફાયર સેફટીનો અભાવ હોવાનું સ્વીકાર્યું હતું અને આંકડા રજૂ કર્યા હતા કે 71 હોસ્પિટલ અને 229 સ્કૂલ પાસે ફાયર સેફ્ટીની વેલીડ NOC નથી. જો ઈમારતોની વાત કરવામાં આવે તો 2021ના નવેમ્બર માસમાં થયેલી સુનાવણીમાં એડવોકેટ જનરલે સ્વીકાર્યું હતું કે રાજ્યમાં 93 લાખ બિલ્ડીંગની ખરાઈનો સર્વે કર્યો છે જેમાંથી અંદાજીત 48 ટકા બિલ્ડીંગ પાસે BU પરમિશન નથી.
ફક્ત નોટિસો આપી તંત્ર છટકી જાય છે
આ પહેલા માર્ચ મહિનાના અંતમાં ફાયર વિભાગ દ્વારા NOC વગર ની કોમર્શિયલ અને રેસિડેન્ટ બિલ્ડીંગને નોટિસ આપવાનું શરૂ કરાયું હતું. 1800 થી વધુ એકમો એ છેલ્લા 5 વર્ષ માં NOC રીન્યુ નથી કરાવ્યું જે મામલે હવે હાઇકોર્ટ ટકોર કરતા તંત્ર કામે લાગ્યું હતું. 5 મીટર થી ઉપર ના હાઇરાઈઝ બિલ્ડીંગ પર પેહલા કાર્યવાહી કરી હતી. ફાયર વિભાગ દ્વારા સેન્ટરર પોઇન્ટ પંચવટી , ગોલ્ડન પ્લાઝા નવરંગપુરા , મહાલ્યા કોમ્પ્લેક્ષ સી જી રોડ , મહારાણા પ્રતાપ સેન્ટર એલિસબ્રિજ , નારાયણ ચેમ્બર એલિસબ્રિજ , શપથ 1 & 2 બોડકદેવ ને નોટિસ પાઠવામાં આવી હતી. પણ નોટિસ પૂરતું જ બધુ સીમિત થઈને ઢરી ઢામ થઈ જતું હોવાથી હવે હાઈકોર્ટે BU, ફાયર સેફટી મામલે ક્રિમિનલ પ્રોસિક્યુશન દાખલ કરવા એએમસીને નિર્દેશ કર્યો છે.