2019માં કરેલા હુકમનું પાલન ન થતા કોર્ટે વેરાવળ નગરપાલિકાના ચીફ ઓફિસરને ફટકાર્યો દંડ, કડક શબ્દોમાં કહ્યું કોર્ટના આદેશમાં થશે અને કરીશું તેવુ કામ નહી ચાલે
HCના હુકમની અવગણના પડી ભારે
ન.પા.ના ચીફ ઓફિસરને ફટકારાયો દંડ
હુકમનુ પાલન ન થતાં ફટકારાયો દંડ
ગુજરાત HCના હુકમની અવગણના અધિકારીને ભારે પડી છે. મુખ્ય ન્યાયાધીશ ખંડપીઠે કોર્ટના આદેશના તિરસ્કારને લીધે વેરાવળ નગરપાલિકાના ચીફ ઓફિસરને 10 હજારનો દંડ ફટકાર્યો છે. કોર્ટે કરેલા આદેશનું સમયસીમામાં પાલન ન થતાં કોર્ટે દાખલારૂપ કાર્યવાહી કરી છે.
ગેરકાયદે બાંધકામ અટકાવવાની ફરજ કેમ ભૂલી ગયા ? : હાઈકોર્ટ
વેરાવળ નગરપાલિકાને ગેરકાયદેસર બાંધકામ દૂર કરવા કોર્ટે આદેશ પારિત કર્યો હતો. પણ 2019માં કરેલા હુકમનું પાલન હાલ સુધીમાં યોગ્ય રીતે ન થતાં વેરાવળ નગરપાલિકાના પૂર્વ અને હાલના ચીફ ઓફિસરનો કોર્ટે ઉઘડો લીધો હતો અને રૂ.10 હજારનો દંડ ફટકારી આદેશ મુજબ ઝડપી કાર્યકરવાનું સૂચન કર્યું હતું.કોર્ટે ચીફ ઓફિસરને સવાલ કરતાં કહ્યું હતું કે ગેરકાયદે બાંધકામ અટકાવવાની ફરજ કેમ ભૂલી ગયા ? ફરજ નિભાવવના બદલે બેદરકારી રાખો એ અયોગ્ય છે. કોર્ટે કરેલા નિર્દેશને મનફાવે તેમ થશે અને કરીશું તેવુ કદાપી ચલાવી લેવામાં આવશે નહીં
10 હજારનો દંડ કોરોના રિલીફ ફંડમાં જમા થશે
મહત્વનું છે કે અરજદારના વકીલ દ્વારા જણાવવામાં આવ્યું છે કે 2019માં વેરાવળ નપાએ ગેરકાયદે બાંધકામ માટે પસાર કરેલ ઠરાવને રદ કરતા તેને ગુજ HCમાં પડકારવામાં આવ્યો હતો.જે બાદ કોર્ટે કાર્ય શરૂ રાખવા હુકમ કર્યો હતો. બે મહિનાની સમય રેખા નિશ્ચિત કરી આ કાર્યવાહીના આદેશ પારિત કરાયો હતો. પણ જેમાં કોર્ટના આદેશની અવગણના થતાં કન્ટેમ્પ્ટ અરજી દાખલ કરવામાં આવી જે બાદ ચીફ ઓફીસરને તેમના ખિસ્સામાંથી 10 હજાર દંડની રકમ કોરોના રિલીફ ફંડમાં જમા કરાવવા દંડ રૂપી હુકમ કર્યો છે.