ચુકાદો / ભરણપોષણ ન આપવું પડે એટલે જેલમાં ગયો તો પણ ડાયરેક્ટ પેન્શનમાંથી પત્નીને આપવી પડી એલોમની

• પેન્શન એ પરિવાર માટે હોય માટે પત્નીનો પણ તેના ઉપર હક્ક
• ભરણપોષણની રકમ પતિના પેન્શનમાંથી કપાશે
• છેલ્લા દસ વર્ષથી પતિ પેન્શન નહતો ભરતો

અદાલતના આદેશ બાદ અશોકના ખાતામાં જમા થતા પેન્શનમાંથી તારાબેનને પેન્શન મળી રહ્યુ છે. પરંતુ છેલ્લા બે મહિનાથી અદાલતના આદેશને પગલે પત્નીના બેંક એકાઉન્ટમાં દર મહિને રૂા. 30000 જમા થઈ રહ્યા છે. 46 વર્ષના તારાબેને દસ વર્ષની લડાઈ લડીને આખરે પોતાનો હક્ક મેળવ્યો હતો. અદાલતે આપેલા ચુકાદાને પગલે અશોક ચૌહાણ નામના પતિના પેન્શનમાંથી સીધા જ પત્નીને રૂા. આપવાનો અદાલતે હૂકુમ આપ્યો હતો. 

અશોકે ફેમિલી કોર્ટને પડકારતી અરજી HCમાં કરી

ફેમિલી કોર્ટે પેન્શનમાંથી ભરણપોષણ આપવાનો ચુકાદો આપ્યો ત્યારે અશોક ચૌહાણે ગુજરાત હાઈકોર્ટમાં ફેમિલી વિરુધ્ધ અરજી કરી હતી. ફેમિલી કોર્ટના આદેશને પડકારતી અરજીમાં તેણે પેન્શન એક્ટની કલમ 11 નો ઉલ્લેખ કરીને પોતાના પેન્શનની રકમ ઉપર કોઈ હક્ક ન જતાવી શકે તેવી રજૂઆત કરી હતી. 

પેન્શન ઉપર પરિવારનો હક્ક હોય એટલે ભરણપોષણ મળી શકે

અશોકની પેન્શન એક્ટની અરજી સામે તારાબેના વકિલ મહેશ ભાવસારે દલીલ કરી હતી કે પત્ની કોઈ સંસ્થા નથી પણ પરિવાર છે. એ કોઈ બેંક, સરકાર કે પેન્શન એકાઉન્ટમાં જમા કરનારમાં પત્ની નથી આવતી. પેન્શન એ ફેમિલી પેન્શન છે. અને આ પેન્શનમાંથી અદાલતના આદેશ બાદ અશોક તારાબેનને ભરણપોષણની રકમ ચૂકવવા  બંધાયેલ છે.

ગુજરાત હાઈકોર્ટે તારાબેનની તરફેણમાં આપ્યો ચુકાદો

ગુજરાત હાઈકોર્ટે તમામ દલીલો સાંભળીને ચુકાદો તારાબેનના હક્કમાં આપતા જણાવ્યુ હતુ કે, અશોક ચૌહાણને મળતી પેન્શનની રકમ રૂા. 34,400માંથી દર મહિને તારાબેનને રૂા. 30000 ચૂકવવા પડશે. જ્યાં સુધી 3259 દિવસોના મળીને રૂા. 10 લાખ પૂરા ન થાય ત્યાં સુધી તેના પેન્શનમાંથી દર મહિને રૂા. 30000 ચૂકવવા પડશે. 

ભરણપોષણના રૂા. 20 લાખ આપવાના 

અશોક ચૌહાણ પોતાનું પેન્શન બેંક એકાઉન્ટમાં જમા થાય કે તરત જ ઉપાડી લેતો હતો. જેને કારણે મે 2012થી જુલાઈ 2019 સુધી તારાબેનને ભરણ પોષણ પેટે કંઈજ મળી શક્યુ ન હતો તેથી ભરણપોષણ પેટે આપવાના રૂા. 20 લાખ દર મહિને અશોકના પેન્શન એકાઉન્ટમાંથી કપાશે.