ગુજરાત HCના ચીફ જસ્ટિસ સુભાષ રેડ્ડીની સુપ્રીમમાં નિમણૂંક જસ્ટિસ કુરેશીની બોમ્બે HCમાં બદલી

અમદાવાદઃ ગુજરાત હાઇકોર્ટના ચીફ જસ્ટિસની સુપ્રીમ કોર્ટમાં નિમણૂંક કરવામાં આવી છે. ગુજરાત હાઇકોર્ટના ચીફ જસ્ટિસ સુભાષ રેડ્ડી આવતીકાલે સુપ્રીમ કોર્ટના જજ તરીકે શપથ લેશે. જેથી આજે ચીફ જસ્ટિસ સુભાષ રેડ્ડીનો વિદાય કાર્યક્રમ યોજાશે.

ગુજરાત હાઇકોર્ટના જસ્ટિસ એ.એ.કુરેશીની બદલી
બીજી બાજુ ગુજરાત હાઇકોર્ટના જસ્ટિસ એ.એ. કુરેશીની બદલી કરવામાં આવી છે. ત્યારે બદલી થતી રોકવા માટે ગુજરાત હાઇકોર્ટના બાર એસોસિએશનની મીટિંગ મળી હતી. જેમાં જસ્ટિસ કુરેશીની બદલીનો બાર એસોસિએશને વિરોધ કર્યો હતો. આ સંદર્ભે આવતીકાલથી બાર એસોસિએશન અનિશ્ચિતકાલીન હડતાળ પર ઉતરશે. 

મહત્વનું છે કે જસ્ટિસ એ. એ. કુરેશીની બોમ્બે હાઇકોર્ટમાં બદલી કરવામાં આવી છે જોકે હવે કોલેજીયમની ભલામણને ધ્યાનમાં રાખીને નિર્ણય કરવામાં આવી છે.