BIG BREAKING / PSIની સીધી ભરતી પ્રક્રિયા મામલે ગુજરાત હાઇકોર્ટનો મોટો નિર્ણય, જાણો શું હતો સમગ્ર મામલો

• ઓપન કેટેગરી તમામ ઉમેદવારો માટે ખુલ્લી: હાઇકોર્ટ
• દરેક કેટેગરીમાં ત્રણ ગણા ઉમેદવાર બોલાવવાની માંગને હાઇકોર્ટે ફગાવી
• પ્રિલીમમાં મેરિટ પ્રમાણે ઓપન કેટેગરીમાં બોલાવવાની પદ્ધતિ યોગ્ય 

PSI સીધી ભરતી પ્રક્રિયામાં ગુજરાત હાઇકોર્ટનો મોટો ચુકાદો આપ્યો છે. હાઇકોર્ટે દરેક કેટેગરીમાં ત્રણ ગણા ઉમેદવાર બોલાવવાની માંગને ફગાવી દીધી છે. કોર્ટે કહ્યું કે, પ્રિલીમમાં મેરિટ પ્રમાણે ઓપન કેટેગરીમાં બોલાવવાની પદ્ધતિ યોગ્ય છે. આ સાથે ઓપન કેટેગરી તમામ ઉમેદવારો માટે ખુલ્લી હોવાનુ પણ કહ્યું છે. 

ગુજરાત પોલીસની પીએસઆઇ સીધી ભરતી પ્રક્રિયાનો વિવાદમાં હવે હાઇકોર્ટે ચુકાદો આપ્યો છે. ગુજરાત હાઇકોર્ટે પ્રિલીમ પરીક્ષામાં મેરીટ પ્રમાણે ઓપન કેટેગરીમાં બોલાવવાની સરકારની પદ્ધતિ યોગ્ય હોવાનું ઠેરવ્યું છે. આ સાથે દરેક કેટેગરીમાં ત્રણ ગણા ઉમેદવારો બોલાવવાની માંગ સાથે થયેલી પિટિશન હાઇકોર્ટે ફગાવી દીધી છે. 

ઓપન કેટેગરી તમામ ઉમેદવારો માટે ખુલ્લી: હાઇકોર્ટ

ગુજરાત હાઇકોર્ટે આજે ચુકાદો આપતા કહ્યું છે કે, ઓપન કેટેગરી તમામ ઉમેદવારો માટે ખુલ્લી છે. અનામત કેટેગરીમાં આવતા ઉમેદવારના મેરિટમાં સારા માર્ક્સ હોય તો એ જનરલ કેટેગરીમાં આવી શકે. જનરલ કે બિનઅનામત કેટેગરીનો અર્થ એ નથી કે તેમાં મેરીટ વાળા અનામત બેઠકના ઉમેદવાર ના સમાવી શકાય.

જુઓ શું હતો PSIની ભરતીનો વિવાદ?

PSIની સીધી ભરતીમાં બિનઅનામત વર્ગના ઉમેદવારોએ નોંધાવ્યો હતો વિરોધ
પ્રિલીમ પરીક્ષાનાં પરિણામ જાહેર થયા બાદ નોંધાવ્યો હતો વિરોધ
ઓપન કેટેગરીમાં અન્ય વર્ગોને સમાવવામાં આવતા નોંધાવ્યો વિરોધ
ઓપન કેટેગરીમાં અન્ય વર્ગોને ન સમાવવા બિનઅનામત વર્ગના ઉમેદવારોની માગ હતી
બિનઅનામત વર્ગના ઉમેદવારોનું પ્રિલીમ પરીક્ષાનું મેરીટ લીસ્ટ રદ કરવા માગ હતી