સુરતની દુષ્કર્મ પીડિતાને ગુજરાત હાઈકોર્ટે ગર્ભપાતની મંજૂરી આપી, મેડિકલ તપાસના રિપોર્ટ બાદ હાઈકોર્ટે પીડિતાને ગર્ભપાતની આપી મંજૂરી છે.
દુષ્કર્મ પીડિતાને ગર્ભપાતની મંજૂરી
26 અઠવાડિયાના ગર્ભપાતને HCની મંજૂરી
પીડિતા માનસિક અસ્થિર હોવાનો અરજીમાં ઉલ્લેખ
સુરતની દુષ્કર્મ પીડિતાને હાઈકોર્ટે 26 સપ્તાહનો ગર્ભપાત કરવાની મંજૂરી આપી છે. 23 વર્ષીય પીડિતા પર પિતાના મિત્રએ દુષ્કર્મ આચર્યુ હતું. તેનાથી તેને ગર્ભ રહી ગયો હતો. હાઇકોર્ટે તબીબોના રિપોર્ટના આધારે સગીરના ગર્ભને પાડવા મંજૂરી આપી છે.
શું છે સમગ્ર મામલો?
થોડા દિવસ અગાઉ સુરતમાંથી એક ચકચારી બનાવ સામે આવ્યો હતો. સુરતની 23 વર્ષીય માનસિક અસ્થિર યુવતી પર તેના જ પિતાના મિત્રએ દુષ્કર્મ આચર્યું હતું. તેમજ પીડિતાને જાનથી મારી નાખવાની ધમકી આપી હતી. જેના થોડા મહિના બાદ યુવતીને પેટમાં દુખાવો ઉપડતા તેણીને હોસ્પિટલ ખાતે લઈ જવામાં આવી હતી. જ્યાં તબીબોએ તપાસ કરતા યુવતી ગર્ભવતી હોવાનું સામે આવ્યું હતું. આ ઘટનાને પગલે યુવતીના પિતાએ રાંદેર પોલીસ મથક આરોપી સામે ફરિયાદ નોંધાવતા પોલીસે આરોપી નવીનની ધરપકડ કરી હતી.
હાઇકોર્ટમાં દાખલ કરવામાં આવી હતી અરજી
યુવતી ગર્ભવતી થઈ ગઈ હોવાથી પરિવાર દ્વારા યુવતીનો ગર્ભપાત કરાવવા હાઇકોર્ટમાં અરજી દાખલ કરવામાં આવી હતી. હાઇકોર્ટમાં દાખલ કરવામાં આવેલી અરજીમાં 23 વર્ષીય પીડિતા માનસિક અસ્થિર હોવાનો ઉલ્લેખ કરાયો હતો. આ ઉપરાંત અરજીમાં યુવતીના પિતાની પણ માનસિક સ્થિતિ સારી ન હોવાનો ઉલ્લેખ હતો. અરજીમાં જણાવવામાં આવ્યું હતું કે, પરિવાર બાળકની જવાબદારી લઈ શકે તેમ નથી.
મેડિકલ તપાસના રિપોર્ટ બાદ મંજૂરી
જે બાદ એક્ઝામિનેશન કર્યા પછી ડોક્ટરે કહ્યું હતું કે, યુવતી સ્ટેબલ માઇન્ડમાં નથી. આમ જે વ્યક્તિ પોતાનું ધ્યાન રાખી શકતી નથી તે બાળકનું ધ્યાન કેવી રીતે રાખશે? આવી સ્થિતિમાં
મેડિકલ તપાસના રિપોર્ટ બાદ હાઈકોર્ટે પીડિતાને ગર્ભપાતની મંજૂરી આપી છે.
આ પહેલા પણ હાઈકોર્ટ આપી ચૂકી છે આવી મંજૂરી
આપને જણાવી દઈએ કે, દિલ્હી હાઇકોર્ટે તાજેતરમાં જ 28 સપ્તાહના ગર્ભપાતને મંજૂરી આપી હતી. તો આ પહેલા 2020 ગુજરાત હાઈકોર્ટે 14 વર્ષની સગીરાને 24 સપ્તાહનો ગર્ભપાત કરવા મંજૂરી આપી હતી. સગીરા પર તેના બનેવીએ દુષ્કર્મ આચર્યું હતું. તેનાથી તેને ગર્ભ રહી ગયો હતો. હાઇકોર્ટે તબીબોના રિપોર્ટના આધારે સગીરના ગર્ભને પાડવા મંજૂરી આપી છે.