હાઈકોર્ટ સ્ટાફના RT-PCR ટેસ્ટ કરતા નવા કેસો સામે આવ્યા આજે એક સાથે કોરોનાના વધુ 51 કેસ
ગુજરાત હાઈકોર્ટમાં કોરોના વિસ્ફોટ
હાઇકોર્ટમાં બે દિવસમાં કોરોના સંક્રમિતની સંખ્યા 78 સુધી પહોંચી
પોલીસ સ્ટાફ પણ કોરોનાથી સંક્રમિત
રાજ્યની વડી અદાલતમાં કોરોનાએ અજગર ભરડો લીધો છે. આજે ગુજરાત હાઈકોર્ટમાં એક સાથે કોરોનાના વધુ 51 કેસ સામે આવતા ખળભળાટ મચ્યો છે. હાઈકોર્ટ સ્ટાફના RT-PCR ટેસ્ટ કરતા નવા કેસો સામે આવ્યા છે. જો છેલ્લા 2 દિવસ (શનિ રવિ)ની વાત કરીએ તો હાઇકોર્ટમાં કોરોના સંક્રમીતનો આંકડો 78 પર પહોચ્યો છે. હાઇકોર્ટમાં કાર્યરત પોલીસ સ્ટાફ પણ કોરોનાથી અસરગ્રસ્ત થયો છે. કોર્ટમાં કોર્ટ સ્ટાફ કામગીરી માટે હાજરી આપે છે જ્યારે અન્ય કામગીરીઑ વર્ચ્યુઅલ માધ્યમથી શરૂ કરવામાં આવી છે.
હાઈકોર્ટના 45 કર્મચારીઓ કોરોના પોઝિટિવ આવ્યા હતા
ગુજરાતમાં કોરોના દિવસે ડબલ અને રાત્રે ચાર ગણી કહેવતની જેમ આગળ વધી રહ્યો છે . હાઈકોર્ટના 45 કર્મચારીઓ કોરોના સંક્રમિત આવતા આરોગ્ય વિભાગ દોડતું થયું હતું. મહત્વનું છે કે ગુરુવારે HCમાં પ્રવેશ સમયે કોરોના રિપોર્ટ માટે ટેસ્ટિંગ પ્રક્રિયા હાથ ધરવામાં આવી હતી જે બાદ શુક્રવારે આવેલા RT-PCR રિપોર્ટમાં 45 કર્મચારીઓ કોરોનાની ચપેટમાં આવી ગયા હતા. જે બાદ હવે રાજ્યની તમામ કોર્ટમાં ઓનલાઇન સુનાવણી થશે તેવો નિર્ણય લેવામાં આવ્યો છે. છેલ્લા 4 5 દીવસમાં હાઈકોર્ટમાં 90 વધુ કર્મચારીઑ કોરોનાના લપેટામાં આવી ગયા છે.
આજથી હાઈકોર્ટમાં ઓનલાઈન સુનાવણી શરૂ થઈ
બે દિવસ પહેલા ગુજરાત હાઇકોર્ટના ચીફ જસ્ટિસ અરવિંદ કુમારના આદેશથી બહાર પાડવામાં આવેલા પરિપત્રમાં ઉલ્લેખ કરવામાં આવ્યો છે હતો કે કોરોનાના વધી રહેલા કેસોના કારણે જજ, હાઇકોર્ટ એડવોકેટ એસોસિએશન અને સીનિયર એડવોકેટ સાથેની ચર્ચા બાદ હાઇકોર્ટ તેમજ નીચલી અદાલતોમાં 10 જાન્યુઆરી એટલે કે આજથી ઓનલાઇન સુનાવણી કરવામાં આવશે.રિમાન્ડ માટે કોર્ટ પરિસરની નીચે આરોપી રહેશે. કોર્ટમાં માત્ર જજ અને કોર્ટ સ્ટાફ સિવાય કોઈને પરવાનગી નહીં. રાજ્યની તમામ નીચલી કોર્ટ પણ ઓનલાઇન ચાલશે. મહત્વનું છે કે અચોક્કસ સમય માટે હાઇકોર્ટે કોર્ટ ઓનલાઇન કરવાનો નિર્ણય લઈ લીધો છે જેથી આજથી કોર્ટમાં ઓનલાઈન સુનવાણીની કામગીરી ચાલુ પણ થઈ ગઈ છે.
IMના 60 વિદ્યાર્થીઓ કોરોનાના ઝપેટામાં
અમદાવાદ IIMમાં પણ કોરોનાનો પગપસારો જોવા મળ્યો. 1થી 9 જાન્યુઆરીમાં સુધીમાં IIMના 60 વિદ્યાર્થીઓ કોરોનાની ચપેટમાં આવી ગયા છે. 805 લોકોના ટેસ્ટ કરાતા 60 વિદ્યાર્થીઓને કોરોના થયાની પુષ્ટી થઈ ગઈ છે. ગુજરાતમાં ડોકટરો. પોલીસ સ્ટાફ, આરોગ્ય વિભાગના કર્મચારીઑ, નેતાઓ, ગુજરાતી કલાકારો બાદ હવે કોરોનાએ ખતરનાક રીતે હાઈકોર્ટમાં દસ્તક આપી હતી હવે કોલેજો અને શૈક્ષણિક સંસ્થાઓમાં કોરોનાની થપાટ વાગી રહી છે.જુઓ કઈ તારીખે કેટલા વિદ્યાથી થયા સંક્રમિત