આફત / ગુજરાતમાં ભારે વરસાદથી 195 માર્ગ બંધ, STની ટ્રીપો કરાઇ રદ્દ

• રાજ્યમાં ભારે વરસાદથી 195 માર્ગો બંધ 
• આણંદ અને કચ્છના 2 રાષ્ટ્રીય ધોરી માર્ગ બંધ 
• રસ્તાઓ બંધ થતા એસટીની ટ્રીપો રદ કરાઇ 

રાજ્યમાં ભારે વરસાદના કારણે અનેક રસ્તાઓ બંધ થઇ ગયા છે. રાજ્યમાં ભારે વરસાદથી 195 માર્ગો બંધ થઇ ગયા છે. ભારે વરસાદના કારણે રાજ્યમાં 2 રાષ્ટ્રીય ધોરી માર્ગ બંધ થયા છે. જેમાં આણંદ અને કચ્છના 2 રાષ્ટ્રીય ધોરી માર્ગ બંધ થયા છે.

 

આ સાથે ભારે વરસાદના પગલે 12 સ્ટેટ હાઇવે પણ બંધ કરવામાં આવ્યા છે. જેમાં ભરૂચમાં 3, કચ્છ અને પોરબંદરમાં 2-2 રોડ બંધ કરવામાં આવ્યા છે. જ્યારે વડોદરા, રાજકોટ, ભાવનગર અને જૂનાગઢમાં 1-1 રસ્તો બંધ કરવામાં આવ્યો છે.

 

આ સાથે સાર્વત્રિક વરસાદના પગલે અન્ય વિસ્તારમાં 9 રસ્તાઓ બંધ કરવામાં આવ્યાં છે. આ સાથે રાજ્યમાં પંચાયત હસ્તકના 172 રસ્તાઓ બંધ કરાયા છે. જેમાં સુરતમાં 34 પંચાયત હસ્તકના રસ્તા બંધ કરાયા છે. આમ ભારે વરસાદના પગલે રસ્તાઓ બંધ થતા STની ટ્રીપો પણ રદ કરવામાં આવી છે.