મુશ્કેલી / ગુજરાતમાં ભારે વરસાદે તંત્રની તૈયારીઓની ખોલી નાંખી પોલ, રાજ્યમાં કુલ 288 રોડ બંધ

• રાજ્યમાં ભારે વરસાદ 288 રોડ બંધ
• પાણીના કારણે 2 નેશનલ હાઇવે પણ બંધ 

ગુજરાતમાં છેલ્લા થોડા દિવસોમાં મેઘરાજાએ તોફાની બેટિંગ કરી હતી. જેને લઇને રાજ્યમાં ભારે વરસાદના કારણે રસ્તાઓની હાલત ખરાબ થઇ ગઇ છે. ભારે વરસાદથી રાજ્યમાં 288 રોડ બંધ કરવામાં આવ્યા છે.

જો કે ભારે વરસાદને લઇને પાણીના કારણે 2 નેશનલ હાઇવે પણ બંધ કરાયા છે. જ્યારે ધોધમાર વરસાદથી રાજ્યના 46 રસ્તાઓ બંધ છે. જો મેઘરાજાની તોફાની બેટિંગના કારણે પંચાયતના 240 રોડ બંધ કરાયા છે.

અમદાવાદ જિલ્લામાં પંચાયતના 9 રોડ, અરવલ્લી જિલ્લામાં 11 રોડ, સાબરકાંઠા જિલ્લામાં 7 રોડ અને કચ્છ જિલ્લામાં પંચાયતના 30 રોડ બંધ છે. જ્યારે નર્મદા જિલ્લામાં 14 રોડ, રાજકોટ જિલ્લામાં 11 રોડ, સુરેન્દ્રનગર જિલ્લામાં 34 રોડ અને જૂનાગઢ જિલ્લામાં પંચાયતના 19 રોડ બંધ કરવામાં આવ્યા છે.