રાજ્ય ઉપર વેલમાર્ક લો પ્રેશર યથાવત છે, જેને લઈને હવામાન વિભાગ દ્વારા સૌરાષ્ટ્ર અને દક્ષિણ ગુજરાતમાં ભારે વરસાદની આગાહી કરવામાં આવી છે. જો કે સૌરાષ્ટ્રમાં છેલ્લા 72 કલાકથી મેઘરાજા મહેરબાન જોવા મળી રહ્યાં છે. સૌરાષ્ટ્રના દ્વારકા, જામનગર, પોરબંદર, જૂનાગઢ જિલ્લામાં અવિરત વરસાદ વરસી રહ્યો છે. ત્યારે જૂનાગઢ પંથકમાં મેઘરાજા મહેરબાન થતાં જિલ્લાના 5 મોટો ડેમના દરવાજા ખોલવામાં આવ્યાં છે, જેને લઇને નીચાળવાળા 34 ગામને એલર્ય કરવામાં આવ્યાં છે.
જૂનાગઢ પંથકમાં મેઘરાજા મહેરબાન
જૂનાગઢ જિલ્લાના 5 મોટા ડેમના દરવાજા ખોલાયાં
જૂનાગઢના ઘેડ વિસ્તારમાં ધોધમાર વરસાદ
હાલ સૌરાષ્ટ્રમાં મેઘોમહેરબાન જોવા મળી રહ્યો છે. ત્યારે જૂનાગઢ પંથકમાં ભારે વરસાદના પગલે જિલ્લાના 5 મોટો ડેમના દરવાજા ખોલાયાં છે. ડેમના દરવાજા ખોલવામાં આવતા નીચાણવાળા ગામોને એલર્ટ કરવામાં આવ્યાં છે. ભારે વરસાદના પગલે ડેમના દરવાજા ખોલાતા નીચાણવાળા 34 ગામોને એલર્ટ કરવામાં આવ્યાં છે.
જૂનાગઢ પંથકમાં મેઘરાજા મહેરબાન થતાં જિલ્લાના 5 મોટા ડેમના દરવાજા ખોલાયાં છે. જેમાં બાટવા ખારો, ઓઝત શાપુર, ઓઝત વંથલી, સાબલી ડેમ, રાવલ ડેમ અને આણંદપુર ડેમના દરવાજા ખોલાયાં છે.
જૂનાગઢ પંથકમાં મેઘરાજા મહેરબાન
જૂનાગઢ પંથકમાં મેઘરાજા મહેરબાન થયા છે. માણાવદરમાં મુશળધાર 5.5 ઇંચ વરસાદ થયો છે.વંથલીમાં 4 ઇંચ વરસાદથી ઠેર ઠેર પાણી ભરાયા છે. જૂનાગઢ શહેરમાં 2 ઇંચ અને મેંદરડામાં 2.5 ઇંચ વરસાદ પડ્યો છે.
જૂનાગઢના ઘેડ વિસ્તારમાં ધોધમાર વરસાદ
જૂનાગઢના ઘેડ વિસ્તારમાં ધોધમાર વરસાદ પડ્યો છે. ભારે વરસાદના કારણે મુળીયાસર સહિતના અનેક ગામો સંપર્ક વિહોણા બન્યા છે. ભારે વરસાદથી અનેક ગામો બેટમાં ફેરવાયા છે. તો કેટલાક ગામોમાં વીજ પુરવઠો પણ ખોરવાયો છે. જેના કારણે લોકોના હાલ બેહાલ થયા છે.