ગુજરાત વરસાદ / ક્યાંક યલો એલર્ટ તો ક્યાંક ઓરેન્જ એલર્ટ, આવતીકાલે મેઘરાજા કરશે તોફાની બેટિંગ

ગુજરાતમાં હજુ પણ 4 દિવસ ભારે વરસાદની આગાહી વ્યક્ત કરવામાં આવી છે. જે મુજબ દક્ષિણ ગુજરાતના જિલ્લાઓમાં ભારે વરસાદ થવાની સંભાવના છે. હવામાન વિભાગે સૌરાષ્ટ્રમાં આગામી 2 દિવસ વરસાદની શક્યતા વ્યક્ત કરી છે. રાજ્ય પર 4 સિસ્ટમ સક્રિય હોવાના કારણે 4 દિવસ વરસાદ પડી શકે

4 સપ્ટેમ્બરે ક્યાં વરસાદ ખાબકશે ?

કચ્છ, બનાસકાંઠા, નવસારી, વલસાડ, દમણ, દાદરા નગર હવેલીમાં છુટાછવાયા સ્થળોએ ભારેથી અતિભારે વરસાદ સાથે ઓરેન્જ એલર્ટ તથા મોરબી, સુરેન્દ્રનગર, પાટણ, મહેસાણા, સાબરકાંઠા, અરવલ્લી, સુરત, તાપી, ડાંગમાં છૂટા છવાયા સ્થળોએ ભારે વરસાદ સાથે યલો એલર્ટ આપવામાં આવ્યુ છે.

5 સપ્ટેમ્બરે આ જિલ્લામાં વરસાદની આગાહી

કચ્છ, પાટણ, બનાસકાંઠા, નવસારી, વલસાડ, દમણ, દાદરા નગર હવેલીમાં છૂટાછવાયા સ્થળોએ ભારે વરસાદ સાથે યલો એલર્ટ જાહેર કરાયુ છે.

6 સપ્ટેમ્બરે આ જિલ્લામાં યલો એલર્ટ

નવસારી, વલસાડ, દમણ, દાદરા નગર હવેલીમાં છૂટાછવાયા સ્થળોએ ભારે વરસાદ સાથે યલો એલર્ટ આપવામાં આવ્યુ છે.

આ પણ વાંચો: ગુજરાતમાં મેઘો મૂશળધાર, કોઝ-વે ડૂબ્યા, વાહનવ્યવહાર ઠપ, જુઓ વરસાદી આફતના 10 વીડિયો

7 સપ્ટેમ્બરે ક્યાં આગાહી

નવસારી, દમણ, દાદરા નગર હવેલી અને વલસાડમાં છુટા છવાયા સ્થળોએ ભારે વરસાદ સાથે યલો એેલર્ટ જાહેર કરવામાં આવ્યુ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ