ગુજરાતમાં એક તરફ કોરોનાવાયરસ મહામારીનો કહેર જોવા મળી રહ્યો છે. ત્યારે બીજી તરફ રાજ્યના ખેડૂતો માટે સારા સમાચાર આવી રહ્યાં છે. રાજ્યભરમાં 1 થી 4 ઓગસ્ટ દરમિયાન મેઘમહેર જોવા મળશે. બંગાળની ખાડીમાં લો પ્રેશર સક્રિય થતા રાજ્યમાં સારો વરસાદ થશે.
રાજ્યમાં કોરોના સંકટ વચ્ચે વરસાદને લઇને સારા સમાચાર આવી રહ્યાં છે. આગામી 1 ઓગસ્ટથી 3 ઓગસ્ટ દરમિયાન સમગ્ર રાજ્યમાં મેઘમહેર જોવા મળશે. જ્યારે આજે 30 અને આવતી કાલે 31 જુલાઇના રોજ રાજ્યમાં સામાન્ય વરસાદ રહેશે.
બંગાળની ખાડીમાં લો પ્રેશર સક્રિય થતાં રાજ્યમાં સારો વરસાદ થશે. જેમાં ઉત્તર અને મધ્ય ગુજરાતમાં વરસાદ પડશે. દક્ષિણ ગુજરાત અને સૌરાષ્ટ્રમાં ભારે વરસાદની આગાહી કરવામાં આવી છે. રાજ્યમાં અત્યાર સુધીમાં 41 ટકા વરસાદ નોંધાયો છે.
રાજ્યમાં આ વર્ષે વરસાદ ખેંચાયો છે. ઉત્તર અને મધ્ય ગુજરાતમાં માત્ર 25 ટકા જેટલો વરસાદ પડ્યો છે. શ્રાવણ મહિનો અડધો થયો છતા પૂરતો વરસાદ નથી પડ્યો. કચ્છમાં સિઝનનો 89 ટકા જેટલો વરસાદ પડ્યો છે. ત્યારે ઉત્તર ગુજરાતમાં અનેક જગ્યાએ હજુ વાવણી પણ નથી કરાઇ.