ગુજરાતમાં ભારે વરસાદની આગાહીના પગલે સૌરાષ્ટ્રમાં મેઘમહેર જોવા મળી રહી છે. ત્યારે પોરબંદર જિલ્લામાં મેઘરાજા મહેરબાન જોવા મળી રહ્યાં છે. છેલ્લા 48 કલાકથી ભારે વરસાદ વરસી રહ્યો છે. જેને લઇને જિલ્લાની નદી અને ડેમમાં નવા નીર જોવા મળ્યાં છે. શહેરમાં ગઇકાલે રાત્રે ધોધમાર વરસાદ વરસતા અનેક વિસ્તારોમાં પાણી ભરાયાં હતા. આમ રાજ્યમાં હવામાન વિભાગની ભારે વરસાદની આગાહી વચ્ચે પોરબંદરમાં દરિયો તોફાની જોવા મળ્યો હતો.
પોરબંદર જિલ્લામાં મેઘરાજા મહેરબાન
છેલ્લા 2 દિવસથી વરસી રહ્યો છે વરસાદ
ભારે વરસાદને પગલે અનેક જગ્યાએ ભરાયા પાણી
પોરબંદરમાં રાત્રે ધોધમાર વરસાદ પડ્યો હતો. જેને લઇને શહેરનાસુદામા ચોક, MG રોડ પર ભારે વરસાદ વરસ્યો છે. છાંયા, જ્યુબેલી, બોખીરામાં વરસાદ પડ્યો છે. ભારે વરસાદના કારણે શહેરના અનેક વિસ્તારમાં પાણી ભરાયાં છે. હવામાન વિભાગે પણ પોરબંદરમાં રેડ અલર્ટ આપ્યું છે. જ્યારે આ તરફ દરિયામાં પણ ઉચા મોજા ઉછળતા જોવા મળ્યાં હતા.
પોરબંદર-સોમનાથ હાઇવે પર ફરી વળ્યાં પાણી
પોરબંદરમાં ભારે વરસાદના કારણે પોરબંદર-સોમનાથ હાઇવે પર પાણી ફરી વળ્યા છે. ચિકાસા ગામ નજીક વરસાદી પાણી ફરી વળ્યા છે. ઉપરવાસમાં પડેલા વરસાદથી હાઇવે પાણીમા ગરકાવ થઇ ગયો છે.
મંડેર ગામથી ઘોડાદર ગામનો સંપર્ક તૂટ્યો
પોરબંદરનો ઘેડ વિસ્તાર પાણી પાણી થઇ ગયો છે. મંડેર ગામથી ઘોડાદર ગામનો સંપર્ક તૂટ્યો છે. રસ્તા પર પાણી ફરી વળતા રસ્તો બંધ થઇ ગયો છે. જેના કારણે બન્ને ગામનો સંપર્ક તૂટ્યો છે.
કુતિયાણાના કાંસાબડ ગામે ખેતરોમાં ભરાયા પાણી
પોરબંદરનું ઘેડ પંથક પાણીમાં ગરકાવ થઇ ગયું છે. ભારે વરસાદના કારણે ભાદર નદીનું પાણી પાણીમાં ઘુસ્યું છે. કુતિયાણાના કાંસાબડ ગામે ખેતરોમાં પાણી ભરાઇ ગયા છે. ઉપરથી પાણીની આવકના કારણે રોડ ગાયબ થઇ ગયા છે. ભાદરનું પાણી આવતા મગફળીના પાકને નુકસાન થયું છે.
ચિકાસા ગામમાં 6થી 7 ફૂટ ફરી વળ્યા પાણી
પોરબંદરના માધવપુર ઘેડ પંથકના અનેક ગામો બેટમાં ફેરવાયા છે. VTV ન્યૂઝની ટીમ ચિકાસા ગામમાં પહોંચી છે. ચિકાસા ગામમાં 6થી 7 ફૂટ પાણી ભરાયા છે...હજારો વીઘા ખેતરોમાં પાણી ફરી વળ્યા છે. ભારે વરસાદના કારણે ગ્રામજનોની સ્થિતિ દયનીય બની છે. લોકો અગાસી અને રોડ પર રહેવા મજબૂર બન્યા છે.
પોરબંદરના ઘેડ પંથકમાં અનેક વિસ્તારમાં ભરાયા પાણી
પોરબંદરના ઘેડ પંથકના નવાગામમાં VTV ન્યૂઝની ટીમ પહોંચી છે. પોરબંદરના ઘેડ પંથકમાં અનેક વિસ્તારમાં પાણી ભરાયાં છે. ભારે વરસાદના કારણે હજારો વીધા ખેતરોમાં પાણી ફરી વળ્યા છે. જેના કારણે ખેડૂતો પશુઓ લઇ હાઇવે પર રહેવા મજબૂર બન્યા છે.
પોરબંદર-સોમનાથ હાઈવે પર ગોસાબારા ગામમાં પાણી ભરાયાં
પોરબંદર જિલ્લા પર મેઘરાજા મહેરબાન થયા છે. છેલ્લા 2 દિવસથી પોરબંદરમાં સતત વરસાદ વરસી રહ્યો છે. ભારે વરસાદના કારણે અનેક જગ્યાએ પાણી ભરાઇ ગયા છે. પોરબંદર-સોમનાથ હાઇવે પર ગોસાબાર ગામમાં પાણી ભરાઇ ગયા છે.